〈是咁的，我是一個童貞魔法師〉: <龍脈的秘密>

雪花飛散之後，巨大的黑鎧上可以清晰看到龜裂的痕跡。但係下一秒，它背後噴射出更多的黑色繃帶，包裹著所有裂痕，之後一切回復完好如初。

「可惡！」再次出招前，我估算著自身還有多少魔力剩下，還可以作出多少攻勢。

兩次，同規模的攻擊我最多只可以作出多兩次，之後魔力便到見底。

既然這樣，我唯有改變一下攻擊的模式來增加效率了…

我念一動，馬上舉起右手直指巨人的上空，然後冰晶開始飛往巨人頭頂的遙遠高空結集起來，再次形成一條巨大的冰柱。





「轟碎它！」我隨即右手急速往下一指，冰柱馬上伴隨著破空之聲向巨人飛墜。

「喝！」對方也鼓起幹勁，一陣黑氣纏繞在巨大的黑鎧上，繼而舉起雙手向天力撐，準備接下這凌厲的一擊。

巨冰柱由高空猛烈加速，有如一道白光直射向巨人的頸頂。

漫天的雪霧緊隨「轟隆」一聲震耳欲聾的沖擊聲爆發而出，轉眼間覆蓋著整個空間。我屏息靜氣地等待，希望這一擊足以分出勝負。但過了足足三十秒結界都還沒解開，我便知道對方仍安然無恙。寂靜的環境令我越發不安。

「嘿嘿嘿！」又是比比鳥頭令人討厭的聲音。





雪霧漸渖漸開始散去，迷濛中可以看到對方已經解除了鎧甲，或者是鎧甲已經被我打碎？

「估唔到你可以迫我到呢一個地步。哼！我唯有同你鍊到尾！」

比比鳥頭語畢紮起馬來，之後好似急屎咁用喉嚨叫道：

「真●黑鎧超巨人！」

前所未見咁大規模既黑氣由他腳底開始沖上天際，之後慢慢收窄包裹著他全身，最後形成一個目測五米多高的黑色巨人。





嘩！簡直係作弊，真係撚大唷﹑玩大咗。呢場仗仲可以點打？

就係我掂量緊自己魔力殘量時，突然醒起聯盟班人講過魔法棒呢件事。

唔通我真係要係馬路中心玩賓州？

唉，死就死啦，我唔可以再輸比個比比鳥頭架喇！下定決心之後左手馬上伸入褲袋去尋找私家魔法棒，當我緊握佢之際突然覺得體內既魔力變得流暢。睇黎我可以更加盡情咁去滿足我既幻想…

「出黎啦！冰飛龍！」我舉起右手大叫。

十秒過後，我跟巨人四目交投，咩事都無發生…

「哈哈哈！你係咪魔力就見底﹐係度死撐呀？」內自巨人體內的嘲諷聲。

豈料他一說完，突然我背後傳來強大的風壓，搞到我差啲企唔穩向前仆。





我舉頭一看，便看到我召喚出來的巨大冰飛龍，與我想像中一絲不差地出現。



它目測從頭到尾有二十米長，每一次拍翼都捲起無數雪花，看到我眼花繚亂﹑目瞪口呆。

「你…你…即管放馬過黎！我先唔怕你！」對方都顥得有一點慌亂。

哼，使你講？

「去啦冰飛龍！摧毀佢！」講完之後我自己都覺得有少少唔好意思，都唔知點解咁大個人反而越黎越中二病。

冰飛龍以摧枯拉巧之勢飛向巨人，一邊從口中吐出強大無比的冰息，連我也開始覺得異常寒冷。冰飛龍沒有直接用爪之煩去攻擊巨人，而是在頭上盤旋飛行，一邊吐著冰息，未幾黑巨人已變成冰巨人。





快啲啦，我就凍到頂唔順喇！

就係我震過貓王既時候，結界突然解除﹐原來勝負已分。

我馬上抽出在褲袋的左手，在炎夏中從新感受回自己的體溫。

「係咪行架屌你！企係度阻住晒！」從後而來的喝罵聲將我意識徹底拉回現實。

「Sor…sorry！」

我轉頭向個著住黑背心露出兩臂紋身的MK道歉後馬上急步向前走﹐同是不忘確認比比鳥頭的身影。果然我發現他正向相反方向過馬跼路，一邊捲縮著身子好似好凍咁。過完馬路後我企返係燈位目送佢離去既身影，到果刻我先開始確信自己既勝利。

原來搖一搖會有咁大威力，到果時我係第一次見識到魔法棒既威能。當我仲思考緊時候，阿賤已經打電話黎問我到邊﹐話坐底食啲野先。

夏日炎炎唔想食豬潤麵，我地就搵咗間茶記坐底食個茶餐算。





「喂，岩岩我撞返上次打嬴我果個黑魔法師。」落完單後我馬上同阿賤講返岩岩既經過。

「嘩！你都嬴得好驚險咋喎！」阿賤聽晒之後即時講。

「係囉，用埋魔法棒先嬴。」

「我唔係指呢樣呀！」

「即係邊樣呀？」我不解。

「因為深水埗呢區係對魔法師有利架！」阿賤一臉認真，之後打眼免示意侍應拎緊野食黎，唔好再講住。

食完晒野留底兩杯野飲，我地繼續坐底慢慢聽埋阿賤解釋。





「之前我咪同你講過大部分地鐵都係地脈之上，邊一邊用佢地佔既陣佔得更多地脈之力，就可以係果個範圍內用得更多魔力，同回復得更快既？深水埗就係其中一個魔法師佔優勢既地方。如果魔法師對住黑魔法師，戰力大約有五到十個巴仙既加乘。」

「你意思即係謂，我就係因為有呢少少加乘先可以嬴到？」

「梗係，仲要嬴得咁險，下次再遇到人，要睇地點做人呀！等我大約話你知勢力分佈啦…」