〈是咁的，我是一個童貞魔法師〉: <魔法的神秘面紗>

時間返到復活節後無耐，我桃花最旺既日子。

係最後一個學期開學後第一堂，落堂時教授捉我傾下報phd既事，因為岩岩果個學期既成績出咗，拎到4.0滿分。

咁係艾薇同埋佢班朋友行過時，都一齊加入討論。

「嘩！Wing同學你好捧啊！」艾薇邊拍手邊說。

「對啊！我們一定要跟Wing同學好好學習！」身形高挑的愛麗莎（Alisa）接著說。





「對對對！就怕Wing同學沒時間！」長髮披肩的艾琳（Irene）用可憐的目光望著我。

「Wing同學，你說兩句吧！會不會幫我們補課？」一身女文青打扮配上清爽短髮的米蘭達（Miranda）亦步亦趨地追問。

「當…當然無問題啦！」我急忙說。

「那，一言為定了！」艾薇她一邊跟好友們嘻笑著一邊離去。

艾薇她今天穿了一條貼身的灰色連身裙，堅挺的屁股邊走邊搖曳不停，配合著她一把金色的長卷髮簡直性感非常。





「好喇，人地走咗喇！」直到教授拍一拍我手臂我先回過神。

「哦，係，唔好意思！」我傻笑著以笑遮醜。

當晚我地傾咗好耐，內容都係圍繞最後一科只要保持成績，佢地就會幫我寫推薦信等等。到我離開學校時，都已經差唔多十二點。

弊！我唔記得今晚約咗阿賤拎野！佢幫我買咗張新既128GB記憶咭比我，話今晚交比我同順便傾幾句。畢竟我同佢已經有幾個月無見過面，之前唔係佢要出差就係我要返學同考試。

我一睇部電話，佢果然已經whatsapp炸爆咗我。我急忙趕去搭地鐵落旺角匯合佢，我亦不忘睇住時間，因為一到十二點後又到可以同黑魔法師互相挑戰既時間。





係左閃加避既情況下我順利到達旺角，之後阿賤叫我去亞皆老街間翠X搵佢。

點知我一入到翠X，就見度有股黑氣係某背對住我既食客身上散發出黎。

我即刻whatsapp阿賤，問佢可唔可以轉地方，點知佢同我講佢嗌咗野，仲問我到邊。我一話岩岩行到入黎，佢就whatsapp話：

「你抬起頸望望你十點鐘方向先啦！」

我一望，就見佢同我招手。而阿賤就係岩岩背對住我果位黑魔法師。

死啦，點解會咁？唔通呢個係陷阱？無理由架，阿賤點賤都唔會咁對我架？如果真係打，打唔打得贏呢？點睇都係五五波咋喎？我行唔行過去好？

我個腦中爆出一連串既問題，但係好快就畀阿賤既whatsapp打斷咗。

「行過黎啦屌！」





係熟悉既語氣，我決定行過去搞清楚到底發生咩事。

我係佢對面坐底，佢無做任何發起挑戰既舉動，反而第一時間掉咗張記憶咭比我。

「唔好睇咁多AV啦，多多都唔夠你用呀！」佢若無其事咁劈出一句。

「屌！我聽無損所以先要用咁多位之嘛！」我講既時候同時留意佢一舉一動。

「唔使咁樣喎！睇你個樣幾咁緊張！」佢笑住咁講，睇黎佢已經知道發生緊咩事。

「你到底幾時變成咁？」我直接了當咁問。

「咩變成咁咁難聽呀！怪物咩宜家！你咁耐唔我閒我點同你講呀！」佢繼續笑住咁講。





「咁宜家點？你我陣營唔同喎？」我好擔心咁問。

「你真係咩都唔知咁喎，睇黎佢地好多野都未同你講…」佢收起咗笑容，跟住飲咗啖咖啡。

「吓？你講緊咩呀？」我呢個時候睇落一定好似個傻仔。

「就由魔法師同黑魔法師既起源講起啦…」佢放底杯咖啡，一臉認真咁講。

睇黎今晚有排都唔使瞓…

魔法師同黑魔法師，原來係自古以來已經有。係古時魔法師同黑魔法師既魔法真係影響到現實世界，據現存既魔法組織研究﹐係因為以前人類信賴魔法既存在，而世界上存在既魔力元素亦比現代濃密好多。

魔力元素係乜？佢係一種肉眼見唔既力量，就正如重力一樣你見佢唔到，但又真實存在。咁係結界中戰鬥時見到既現像，都係由於結界中既魔力元素受到魔法師既魔力形響而作出既變化。簡單黎講﹐無魔力元素，魔力有幾強大都無用。

咁係以前魔力元素充沛既時代，當有人發現魔法既存在時，就開始留底記錄：文字、魔法符號同圖案之類。之後有慢慢掌握魔法既人出現，發展出宗教同巫術之類，到最巔峰時間甚至有精通魔法既大魔法師既出現，成為傳說中既偉人，留下咗神績同傳說之類。







但係隨住時代進步，人類積極發展科學，魔法漸漸走向式微。而令魔法衰落既最大原因唔係咩我地所知既破除迷信行動、狩獵男/女巫之類，而係魔法師既慾望做成…