[惡搞無極限] 就係咁，我同幾個豬朋上左大陸獵金: ４０８　我做左師父

首先，比一個人咁樣突如其來一問，你地話可以點答，教佢做男人？我自己都唔２０幾歲，點教到佢做男人。

但我都未表態，白雪公主已經係我面前跪左係度，「師父！！！！！」

咩野話！？白雪公主你頭先唔係想捉我黎，話要交比碇司令架咩，點解而家會跪左係我面前，叫我做師父啊！？

「喂，等等先，點解咁多男人可以做你師父，係都要我做呢？」我問佢，而佢竟然話：「因為而家得你一個人知道我既秘密。」

「咁你可以將呢個秘密話比佢地知，咁果Ｄ人未可以做你師父囉。」我話。





而白雪公主係呢個時候突然笑左笑話：「我答應過自己，我呢個秘密，除左我阿媽知道外，其他人知道既話，我都會親手殺左佢。」

「下！？」我聽到後嚇左一跳。

「除非你做我師父，唔係我就殺左你。」白雪公主話。

天啊，我都唔我係做錯左Ｄ咩野，點解佢會自己講左個秘密我知架，「咁姐係話你呢個秘密，連碇司令都唔知？」

「係。」白雪公主話。





阿賢，而家既你唔可以比呢個怪舉動令到自己唔冷靜，你自己諗下，如果我做左佢師父，我未可以叫佢比阿爸封遺書我囉……係ＷＯ，點解我頭先諗唔到既，我望一望仲跪係度既白雪公望，然後問佢：「如果我做左你師父，你係未會咩都聽晒我話？」

「緊係啦。」白雪公主話。

咁聽落都有著數ＷＯ，「好，我就做你師父，教你做一個男人。」