[惡搞無極限] 就係咁，我同幾個豬朋上左大陸獵金: ４０７　教我做男人

喊緊既白雪公主突然好兇狠咁望住我以後話：「係你，你都係其中一個令我變成咁既人。」

「下！？」佢突然咁話我，我真係唔知咩反應好，「小姐……先生……我唔知應該係小姐定先生啦，我以前好似唔識你架ＷＯ，我點會係令你變成咁既人啊。」

「遺書！」佢用一個好憎狠既目光望住我：「如果唔係呢封遺書，我就唔駛變成咁。」

又會關封遺書事既！？

「我阿媽話怕我養唔大，要當女咁養，又因為答應左大寶叔佢保管遺書，所以一定要等拎信既人黎到，我先死得，你話咁樣關唔關你事，你早Ｄ黎我就可以早Ｄ變返男人。」其實聽完佢所講既野，我只覺得佢夾硬黎，不過見佢發嬲發成咁，我就唔同佢講咁多。





「咁我而家黎左，你比返封遺書我，咁你未可以變返做男人囉……」「唔得！」又點解唔得啊……

「我做左女人咁落，已經習慣左做女人，我唔識做男人啊……」佢又喊得好勁，而我就無奈咁望住佢，直到佢喊完，然後向市講：「除非，你教我做男人，我就比返封遺書你。」

下！？教你做男人？