[惡搞無極限] 就係咁，我同幾個豬朋上左大陸獵金: ４０４　與白雪同房

係啊……我又暈左……我真係想知我仲要暈幾多次……

但係今次暈左後我無比人綁住，而且都好似無比人困全，而係係一間酒店入面，而我眼前果個人，係已經熟睡中既白雪公主。

望住呢個所謂既白雪公主，我開始有個疑問，話晒當年大寶將五封遺書交左比五個人，到而家果五個人應該有返Ｄ年紀，之前見到果四個人，都係上左年紀既人，而且武則天仲要死埋，花木蘭雖然係童顏，但睇真少少都會見到佢Ｄ魚尾紋。

但點解……點解呢個白雪公主可以咁後生既？真係絕無年老既痕跡，而且仲係一個皮膚好好既女仔，仲要顏值好高下添。

「望夠未？」





「未……」咦！？點解我眼前呢個人無啦啦張大眼睛既，而且距離咁近既！？

如果我自己都唔覺意愈望白雪公主，愈行我近佢，甚至去到臉貼臉果陣，白雪公主就比我既氣息整醒左。

佢一巴打左落黎，「走開。」

比人咁樣打左一巴，我緊係走啦，但係我真係唔明白點解白雪公主要捉我……唔係ＷＯ，我暈之前聽到佢話，「碇司令要既野，無人可以搶。」點解我回憶姐，把聲又會咁立體既……原來唔係，係真係白雪公主望住我講緊。

「妳……係碇司令既人？」我問。