[惡搞無極限] 就係咁，我同幾個豬朋上左大陸獵金: ３８８　夢魔既催眠

「妳意思果個叫夢魔既人係妳師兄？」我問花木蘭。

「係。」花木蘭點一點頭後，檢查左一下度鐵門既鎖，「呢Ｄ鎖咁易開，一陣就開到。」

「真架？咁快Ｄ開啦，我地要快Ｄ入去救阿妹走啊。」阿欣好興奮咁話，但係花木蘭就好認真咁同佢講：「易開，可能係個陷阱，一個識暴走既猛獸無可能比一個咁簡單既鎖鎖住，除非……」

呢一句後，房入面既阿妹慢慢張開眼，佢用一個無神既眼神望住我地，然後，瞳孔慢慢擴張後突然縮細，「危險！」花木蘭呢一叫，推開左係鐵門旁邊既人，然後，鐵門彈開左，仲有傳出阿妹既咆哮聲，同埋一個男人既微笑聲。

呢Ｄ笑聲，笑到人既心都寒晒。





「師兄，點解你要咁做？」花木蘭問，而慢慢行到阿妹旁邊既夢魔答佢：「碇司令比到我想到既野我。」

阿妹係呢一句後，突然衝左去花木蘭度，不過花木蘭反應都唔錯，好快就避開左。

「阿妹，係我地啊，妳醒下啦。」阿欣係旁邊大叫，而阿倫同阿輝就驚到跌低左坐係地下上面。

「阿欣，而家時興隆佢認唔到我地，我地講咩都無用架。」勞斯萊斯話，而佢講完野後，阿妹就衝左去佢果邊，一抓抓落佢既喉嚨。

不幸中之大幸，阿妹雖然抓中左，但係勞斯萊斯都閃開左，所以傷得唔嚴重，只不過阿妹佢繼續既攻擊，勞斯萊斯只可以硬食。





見到情況咁樣既阿欣衝左過去幫手，但當佢正想行過去既時候，夢魔企左係阿欣既面前話：「妳記唔記得上次我帶妳入去既果個夢境？」

佢一定係想催眠阿欣！？

只見阿欣抱頭開始大叫：「唔好啊！我唔想再見到啊！！！」唔可以比呢個男人再催眠到我地。