[惡搞無極限] 就係咁，我同幾個豬朋上左大陸獵金: ３４０　不解的約定

還珠格格係我地面前消失得無影無蹤，呢個情況，我真係嚇左一跳，而勞斯萊斯同ＭＡＮ姐見到，都只係大笑話：「格格既神行術係無人可以追到，我睇你地都係唔好白費心機。」

碇司令聽到後，只係好陰寒咁笑，好似一早就知道還珠格格會有此一著，「二姐，今次我黎，都只係打過招呼，你要知道我碇司令要搵既野一定會得到手。」佢講完呢一句後，就突然望住我話：「小子，我要既野就暫時放係你度先，過多幾日，我就會派人黎拎，你最好保管住佢唔好比其他人搶走。」

佢一字一句都令我好心寒，佢講完後，就叫所有人走，我地都無追上去。

我見到佢走左後，害怕既心情就擁晒出黎，我嚇到跌坐係地上面，問剛剛行過黎既勞斯萊斯，「點解還珠格格要走？點解碇司令唔而家拎佢想要既野？點解要係我？」

勞斯萊斯佢扶左我起身，然後話：「還珠格格走，以及碇司令唔即刻拎，係因為未過約定既時間。」





「約定既時間？」我問，而勞斯萊斯就答：「聽老闆講過，佢家姐臨死前同佢地兩姊弟講過，唔想佢地兩個互相殘殺，唔想佢地傷害家人，所以許下左一個不殺之約，但係，碇司令係佢家姐臨死前既一刻，講左一句話：『妳係比姐夫害死既，我唔可以放過佢，不過我可以答應妳，只要係每年既２月２９日，我先會對所人傷害妳既人痛下毒手。』。」

「點解係２月２９日？」我問。

「因為果日係碇司令既生日，佢家姐講過果日係碇司令話晒事既日子，所以無人會阻止到碇司令。」勞斯萊斯答。

「咁點解還珠格格又會走？」我又問。

「原因係佢一直都搵緊佢家姐既遺物，只要碇司令見到家姐既遺物，佢就會有好特別既反應。」又會咁得意都有既。





「但係，離２月２９日仲有好耐既時間，點解……」我真係有好多疑問，不過勞斯萊斯都繼續答我：「老闆係未已經比左個名單你？」

「你點知？」呢件事勞斯萊斯應該唔知架ＷＯ。

「我有時都幾八掛，有次偷偷地發現英紅吧地底有間房，所以……」聽到呢到，大家心照不宣啦。

但係，我都係唔明點解還珠格格會突然消失，而碇司令又無即刻拎走我手中既名單，究竟半後佢地兩個諗緊Ｄ咩呢？