[惡搞無極限] 就係咁，我同幾個豬朋上左大陸獵金: ３３９　捉燕子

我再望一望其他人，勞斯萊斯同ＭＡＮ姐都仲各自同明日香及凌波麗，還珠格格就同碇司令對峙緊無郁過，阿欣佢訓左係地下上面……咁阿妹呢！？

係不遠處我見到阿妹佢都訓左係地下上面，然後果個男人望向我所見到既方向，就話：「初號機戰鬥力係最高，但係就保持得唔耐，真係可惜。」

「係未你催眠過阿妹，佢先會咁？」我問個男人。

「睇唔出你傻頭傻頭咁，都幾醒ＷＯ，不過都要佢有影陰，我先可以將佢既能力迫出黎。」呢個男人既微笑真係可怕，「不過而家暫時交返佢比你地先，今次黎既目的，唔係為左打，而係有其他野。」

個男人笑住行去碇司令身邊，而我就走去扶起阿欣，「阿欣？妳點啊？」





阿欣慢慢咁張開眼，佢滿頭大汗咁望住我喊，由識阿欣到而家，我係未見過佢喊到而家咁，「阿賢……我好驚啊……我好驚啊……」呢個男人實在太恐怖。

而阿欣已經醒左，我就同佢去扶起阿妹，「阿妹佢做咩事啊，點解佢又著左件ＥＥＹＯＲＥ衫既。」呢一刻，我唔知點答阿欣，因為我都唔清楚件事。

我而家只係可以坐埋一邊，望住還珠格格同碇司令既對話。

「二姐，好耐無見。」碇司令話。

「唔見好過見啦，但估唔到你想見我，想到要炸左我間英紅吧。」還珠格格話。





「無計啦，搵左二姐咁耐都搵妳唔到，只可以出此下策。」碇司令話。

「搵我咁急，係未有關果樣野事？」還珠格格問。

「係，我一直都只會為果件事而搵妳。」碇司令收起笑容，好認真咁問：「其他人既地址係邊，妳快Ｄ比我。」佢係用命令既語氣。

還珠格格只係嗤笑左一聲，然後話：「我係唔會比你，你唔好再打Ｄ遺書既主意。」

原來碇司令要搵還珠格格，係要拎地址，佢聽到還珠格格咁講後，就唔係幾好氣話：「妳唔好以為家姐臨死前話過唔好傷害妳，妳就可以係度得寸進尺。」





「你敢唔聽家姐話咩？」還珠格格好得戚咁話。

「妳！」碇司令好嬲，但睇佢又好似奈還珠格格唔何，「妳唔好比我捉到妳，唔係我一定會叫夢魔催眠妳，令到妳講出所有既地址。」

原來，頭先催眠我果個男人叫夢魘。

「咁就睇下你可唔可以捉到我呢隻小燕子拿。」還珠格格講左呢一句後，就憑空消息左，一去無蹤。