[惡搞無極限] 就係咁，我同幾個豬朋上左大陸獵金: ３１５　又有線索

一陣起哄聲下，勞斯萊斯係臺上面見到我地，而我最唔想發生既事發生了，「阿賢！你地黎左拿！快Ｄ上黎啦！」無錯，我最唔想既係勞斯萊斯係個臺上面大叫我既名，然後仲要叫我地上去。

本來唔諗住應佢，但唔知邊度既大光燈照住左我地，所有人望住燈光所照既地方，姐係我地，慢慢讓出左一跳路。

「大家，佢地剛剛係英紅吧過黎，好彩佢地無比人炸死，我地為佢地送以熱烈既掌聲。」勞斯萊斯講完之後，現場所有既人都拍晒手掌。

其實，好尷尬，尷尬到我想搵地方匿物，但係我走去邊，個大光燈就照去邊，所以我就唯有上臺，我見到阿俊既表情，我諗佢既心情同我一樣，而阿欣當然係相反啦，佢不知幾開心，阿妹仍然好戍靜。

一上到臺，勞斯萊斯就話：「不如我地叫阿賢講幾句好唔好啊！」





頂你個制！駛唔駛啊，我已經上左黎啦，仲要我講野，而當我想拒絕之際，個咪已經唔知係幾時去到我既手上。

拎住支咪既我，望住臺下果班起哄既人，都唔知講Ｄ咩好……

「我……」其實我係可以唔駛講野架ＷＯ！但點解我一拎住支咪就想講野……「大家好……」

「好！！！！！」臺下既觀眾真係熱烈。

「我……其實唔知講Ｄ咩野好……」「阿賢你講得真係好！」勞斯萊斯呢個時候走左過黎搶左我支咪，然後話：「不如我再唱首歌比你地聽好唔好啊？」





真係多謝佢幫我解圍……

我地幾個落返臺度，見到ＭＡＮ姐示意我地過去。

行左過去後，ＭＡＮ姐就問我：「做咩返黎？」

而我就答佢：「我……我已經將批貨送左比阿妹……時興隆啦。」

「等等，你話時興隆係你個妹，真架？」ＭＡＮ姐講完後望一望阿妹，然後阿妹就點一點頭。





「唔係掛，時興隆妳都算係靚女身材又正，點解妳阿哥甩頭甩骨咁架。」ＭＡＮ姐，我知妳好打，但係都唔可以人生攻擊架。

阿妹聽到ＭＡＮ姐咁講後，笑左笑後話：「唔好講呢Ｄ住，ＭＡＮ姐，妳地收到風碇司令黎搵妳前老闆要Ｄ野，知唔知係Ｄ咩野？」

ＭＡＮ姐聽到阿妹咁問後，就答佢：「好似係一封信。」

真係恭喜晒！！！！！仲唔係阿爸留比我地既遺書。