[惡搞無極限] 就係咁，我同幾個豬朋上左大陸獵金: ３１４　勞斯萊斯唱勞斯萊斯

ＭＡＮ姐開到某一個地方就停左落黎，我落車一睇，根本唔知呢道係邊度。

而阿欣佢一落車就衝左過黎我度，「你無事嘛阿賢！？」

見佢咁緊張，我答佢：「無事啊。」聽到後回答後既阿欣，好似鬆左一口氣，「頭先真係剌激啊，我地差Ｄ就炸死，超好玩啊！」估唔到阿欣而家就有咁既心情。

阿妹都慢慢行左過黎，「頭先，ＭＡＮ姐同你講咩？」

其實我無諗過阿妹識得ＭＡＮ姐，但諗深一層，回想返都係ＭＡＮ姐叫我搵阿妹交收Ｄ野，所以阿妹識ＭＡＮ姐都係正常。





而我道諗左一陣先答佢：「ＭＡＮ姐話係碇司令炸左英紅吧。」

「又……又係佢……點解佢咁快就會黎到。」阿妹佢又露出左好驚既樣子。

阿俊而家先行左過黎，「唔好理咁多，而家我地最緊要搵到英紅吧既老闆，我覺得我地要搵既野係佢度。」

我好認同阿俊既講法，而我地等左一陣，ＭＡＮ就叫左我地跟住佢去左一座大樓度。

一入大樓，已經聚集左好多人，而係正中間有個大臺，而個大臺上面，企左勞斯萊斯係度。





「能成為密友大既總大著愛……」臺上既佢係度唱緊勞斯萊斯，埋下既人就跟住節奏揮動緊手中既螢光棒。

我同阿俊見到咁既情境，Ｏ撚晒咀望現場既一切，而阿欣就好受樂咁回圍走，阿妹就好似習慣左咁無咩特別表情。

直到，勞斯萊斯唱完隻歌，「好多謝大家聽我高歌。」然後全場歡呼，等歡呼聲無咁大後，勞斯萊斯就話：「今日我請大家黎呢度，係想你地幫我做一件事，嗱～歌你地就聽左，所以你地要乖乖地聽話幫我架。」

勞斯萊斯你擺到明屈佢地ＷＯ，但係點解果班人又好似願意比你屈咁既。

「大家斬知英紅吧本身唔係我本人，而係我上一任老闆留比我，但係而家有Ｄ事，要搵返以前果位老闆出黎幫手，但係本女子無能為力，本女子無用，搵唔到老闆，所以想各位幫下搵。」頂～一聽呢個咁似林雪大叔既勞斯萊斯稱呼自己本女子，真係好想嘔。





「嘔……」原來我身邊既阿俊已經嘔緊。

講講下野，有個人衝左上臺同勞斯萊斯講左Ｄ野後，勞斯萊斯就大喊起上黎，「頭先……頭先有人炸左英紅吧！！！！！」

呢個消息一出，全場人嘩然。

「無左英紅吧我地Ｄ　ＧＡＹ佬仲可以去邊度消遣……」呢句說話不停傳出，就係一邊喊一邊咁傳出。

勞斯萊斯聽到Ｄ人咁講，就話：「所以我地要快Ｄ搵到我以前既老闆出黎，搵到佢就有方法搞店件事，同埋從建英紅吧！！！」

究竟果位老闆，係邊個。