[惡搞無極限] 就係咁，我同幾個豬朋上左大陸獵金: ３０３　男兒膝下

我搶過左阿妹手上面既晶片，然後一野整爛佢，而阿妹見到我呢個動作，就呆左望住我，「你做咩野啊阿哥……」

「整爛佢唔好再比佢跟我地囉。」我理直氣壯咁話，但係望住阿妹而家好錯愕既表情，我心知我做錯左野。

「你而家整爛佢，碇司令發現突然間係呢個地方無左信號，未姐係知道我地發現左比佢跟囉，而且以碇司令既性格，信號無左，佢一定會派人黎睇發生左Ｄ咩事。」阿妹每講既一個字，好似重拳咁打落我既腦。

「咁……姐係……」「姐係碇司令既人好快會到啊！」我未見過阿妹咁嬲架。

大鑊！我無諗過會咁添。





「就算你地無破壞晶片，碇司令都會搵你地，因為佢知道只要跟住你地，就可以搵到剩低落黎既遺書，而且，佢已經掌握左其他三封遺書既下落，只不過，佢未搵到咁解姐。」阿俊呢一句話，令到我深知道如果唔快Ｄ搵到其他遺書既話，就會比碇司令搵到。

如果比佢先搵到既話，我同阿妹就唔會知道阿爸留左Ｄ咩比我，以及阿爸想對我地講既說話。

但係碇司令已經知道左另外三封遺書係邊，而我……

「阿俊，碇司令有無講你知Ｄ遺書既下落？」我問佢。

「佢點會話比我呢個外人知……」本來以為阿俊既說話講完，但點知原來佢仲有野講：「我有次偷聽到其中一封遺書係邊個手上。」





「真既！？」我問佢，唔通皇天不負有心人，「阿俊，你講我知，阿爸既遺書對我同阿妹黎講係好重要。」

「而家成個字頭條命都係我身上啊！我點可以……」係阿俊講緊野既呢一刻，我做左人生中其中一個最重要既決家，雙膝敲落地下上面既痛傳遍全身，我堅定咁望住阿俊，同佢講：「我同阿妹都好想知，最後阿爸想同我地講Ｄ咩野，如果碇司令只係搵左阿爸留比我地既金，比晒佢我都無所謂，如果你話我知，我阿賢今生都會欠你一個人情。」

阿俊聽到我咁講後，呆左，而我繼續堅定地望住佢，而係呢個時候，阿妹都去到我身邊，同我一齊跪左係阿俊既面前。

「阿俊，我地兩兄妹而家求你，希望你可以話比我知，下一封阿爸既遺書，係邊度。」我同阿妹向佢磕頭。