[惡搞無極限] 就係咁，我同幾個豬朋上左大陸獵金: ３０２　幾時開始？

眾人見到阿俊之後，心情都好呂同，阿倫同阿輝就係到磨拳擦掌，一副想起勢打死佢既樣咁。

阿妹佢就好出奇，佢一見到呢個係阿俊後，係鬆左一口氣既樣子。

而阿欣，就拎起另一個樽後望住我問：「阿俊黎架ＷＯ，咁係未可以打啊？」究竟係咩野思路令到佢咁諗……

我就先呆一呆，然後叫阿欣唔好打佢住，再諗返起先前既一切，就問佢：「係幾事開始既事？」

阿俊佢比阿欣爆左樽後，就係露出左一個好痛苦既表情，而佢答我：「由我知道有金果一刻開始。」





我聽到呢句話之後，好驚訝，原來佢做二五仔已經係咁前已經發生既事，阿倫同阿輝一聽到後，就衝左過去一拳又一拳咁打佢，「你條仆街原來咁早就做埋呢Ｄ野，唔掛得知搵金既路程咁曲折啦。」阿倫邊打邊話。

「未係，害到我呢個美男子皮膚差左好多啊。」阿輝，如果你係美男子既話，呢個世上應該無醜人。

而我就再問佢：「你一開始就幫碇司令做野？」

呢個問題，得返黎既答案係，「唔係。」

「咁點解你而家會幫碇司令手？」我又問，而阿妹慢慢行到我身邊同我講；「每個幫碇司令做野既人，都唔係心甘情願……」佢同我講完後，就問阿俊：「佢用咩野黎要脅你？」





阿俊低下頭，忍受住阿倫同阿輝既無力之拳，開口同我地講：「佢用我成個字頭既人命要脅我……」阿俊講完後，口都震晒，而阿倫同阿輝都停下左動作。

「有一晚，我訓唔著自己一個人想出去行下，點知比一個貌似新世紀福音戰士既角式捉左去一個未知既地方，係果度，我見返要我地送貨既碇司令。」阿俊停左停再講：「『時興隆既事，我諗你都知啦。』我一見到佢，佢就咁同我講，原來佢係指你地兩個相認既事，然後佢就講左來意，話想知道你地既一舉一動，我一開始係拒絕，但當我見到佢拎左一袋野出黎，望左入面係Ｄ咩野後，我就知道我無拒絕既餘地。」

我地幾個聽得好認真，而我問佢：「果袋係……」「係我地字頭十個當紅既大佬既人頭……」阿俊講到呢度，全身都震晒，「佢話，如果我唔答應既話，佢係可以將我成個字頭既人頭都放係我面前，然後先慢慢咁斬我既人頭，你地話，如果係你地面前係一個咁既怪物，你會點做？」

我地無答佢，但係答案一定係一樣，因為我地都聽過碇司令係個點既人。

「所以，係男一刻開始，你就將我地既行蹤話比佢知？」我問，而阿俊點一點頭，「係。」





「你係點話比佢地知？」我又問，而阿俊就坦白同我地講：「我係你既電話上面，裝左一個追蹤器。」

「電話！？」我驚訝既同時，阿妹已經拎走左我部電話，打開左舊電，原來一塊好細既晶片已經放左係一張ＳＩＭ卡上面。

「姐係碇司令知道而家我地係邊！？」阿妹呢一問後，阿俊點一點頭。

如果係咁既話，咁就大鑊了，姐係意味住，我地搵阿爸既遺書，而碇司令，就好似跟隨其後咁。