[惡搞無極限] 就係咁，我同幾個豬朋上左大陸獵金: ３００　被捉住的男人

聽完封信後，講真，得果半封信，點會知道阿爸想交待Ｄ咩。

其餘既人更一睇再睇都諗唔到，最後唯有放棄，「我地好好地收起呢半封信先，等搵到另外果半封果陣再拎出黎睇。」阿欣話，然後就幫我收起左封遺書。

而頭盔男就話：「前當家的心願，也算達成了一半，另一半，就煩請你們幾位了。」

我望住呢位頭盔男，講就易，但點搵呢？我地識搵到黎呢度，都係因為有個大叔指點迷津，而家為得果封半遺書又斷左線索，都唔知下一步應該點做好。

「你地前當家有無其他說話留低架？」阿妹問，我諗佢想睇下武則天有無留低咩線索比我地。





但就好似我既想法一樣，佢無留低任何野，不過，因為阿爸既遺書搞到武則天連條命都無埋，呢一刻，我同阿妹都好過意唔去。

頭盔男帶我地邊去頭先果度，而小男孩一見到我地後，就問：「你們拿了半封信了嗎？」

我地點一點頭，然後阿妹走到小男孩面前，深深咁攬左佢一下話：「要你地為左呢半封遺書搞到而家咁，真係辛苦你地。」

小男孩微笑咁話：「不會的，只要能完成媽媽的心願就可以。」

真係估唔到，只係搵到封半既遺書，就開始覺得阿爸留低左既野一定有一種吸引力，如果唔係，碇司令佢都唔會咁著緊要搵到Ｄ信，而且，就憑碇司令咁大勢力，都搵唔到的話，我諗大寶佢所交付之人，都有Ｄ能耐。





但係我又應該點樣搵到一下個人呢？又應該點樣搵線索呢？拎住呢封半遺書，我地又可以做到Ｄ咩？

就係我深思緊既時候，頭盔男既一個手下入左黎，交頭接耳左一陣後，頭盔男就同我講：「我們抓了一個男人，可能是碇司令的人，你們有興趣去問話嗎？可能可以問到甚麼。」