[惡搞無極限] 就係咁，我同幾個豬朋上左大陸獵金: ２９８　另一個我

聽完小男孩既說話後，我問：「姐係你地有另一封遺書？」

小男孩點一點頭，而頭盔男就補充話；「正確黎講，係得半封。」

「另外果半封……係碇司令到？」阿妹慢慢講左出黎後，手抱頭蹲左係地上面不停大叫。

我地幾個見到佢咁樣，都呆左係度，唔知佢因咩事變成咁，而阿欣見到阿妹咁，就上次想安撫佢，「唔好咁啦，我地一定可以搵返……」估唔到既係，阿欣都未講完，阿妹就一手推開左阿欣，不停話：「你地唔好過黎啊！你地唔好過黎啊！我唔想佢出黎啊！！！」

佢！？邊個佢？





阿妹講完後就衝左房，而阿欣、阿倫同阿輝幾個就衝左出去追，留左我係度。

「點解碇司令會知兗遺書既事？」我問佢地，而佢地搖左搖頭答我：「我們也不知道，不過碇司令想要知道的事，從來瞞不過他的。」

竟然碇司令知道左遺書既事，擔心既感覺不停湧上黎，姐係而家我地幾個係要同佢鬥快搵到剩返低既遺書。

以碇司令咁既勢力，都只係拎到半封……而家所得既資料認為，唔知佢搵左幾多年，亦唔知佢搵阿爸Ｄ野係為左Ｄ咩？可能，入面有佢最想要既野都唔定。

「可唔可以比果半封既遺書我地？」我又問，而頭盔男就話：「當然可以，不過你們要小心，因為這些年來，碇司令對這本封遺書都一直採取積極的搶奪，所以你們一定要好好保管這本封遺書。」





我認真咁回答佢：「一定，我地一定會好好保管。」

頭盔男聽完後，滿意咁笑一笑後講：「那你們準備好的話就告訴我吧，遺書不在這裡，我放在一個很安全的地方。」

「好。」講完後，我就行出房，搵頭先衝左出去既佢地。

搵左一陣，先搵到佢地，阿妹佢仍然係蹲左係到不停咁喊，而果三個人只係圍住佢地，都唔知點做好。

我行左過去，企左係阿妹既面前話：「佢地話要比果半封遺書我地，妳想唔想去睇？」






呢個問題，阿妹一定點頭答應，但佢點完頭後就同我講：「我唔知點解，每次聽到碇司令親衛兵既事，都會咁樣。」

我摸一摸阿妹既頭話：「妳唔記得阿爸講過Ｄ咩？阿爸叫我地要相信身邊既人係可以幫到自己。」

阿妹聽到後，佢就講：「阿哥，我有Ｄ野一直瞞住你地……」

「係咩野？」我盡量用最溫柔既語氣講。

「我……有另一個人格。」阿妹既說話，使我腦人面充滿住疑惑。