[惡搞無極限] 就係咁，我同幾個豬朋上左大陸獵金: ２７４　調查阿俊

「咩五個女人？」我問阿妹。

「唔知啊，舅父剩係不停叫我搵五個女人，話好似答應左個人要將呢五個女人送比人ＷＯ。」阿妹答我。

「咁係邊五個女人啊？」我又問阿妹，而阿妹就無奈咁笑話：「佢叫我搵武則天、白雪公主、花木蘭、還珠格格同鐵扇公主ＷＯ。」

「下？妳講多次。」我聽得一頭無緒。

「舅父話叫我搵武則天、白雪公主、花木蘭……」「得……」估唔到阿妹真係講多次。





「佢講呢五個女人唔係呢個世上架ＷＯ。」方叔叔聽到後話。

係囉，仲有Ｄ係故事既人物，你叫我去邊度搵啊，白雪公司去迪士尼啊？咁去香港果個定中國新開果個啊？武則天同花木蘭……歷士人物黎架，佢叫我玩穿越，呢個故唔玩呢Ｄ野架唔該……鐵扇公主……我係未要去搵牛魔王先，我諗咁多個最易搵應該係還珠格格，因為我可以直接去搵趙薇。

「會唔會舅父想到佢地既公仔咋？」阿妹問，而我用一個唔係掛既眼光望住佢，大寶食得咁偏啊，鐵意武則天！？咁係邊個時代既武則天啊？

「賢仔，我覺得大寶唔會無啦啦叫我地搵呢五個女人，我諗佢一定有Ｄ野想話我地知。」方叔叔，我夠知大寶佢有野想同我地講，都覺得佢叫我去搵呢五個女人一定有Ｄ野，而且好有可能係關果五封信事添，但係點搵姐，中國咁大，而且係搵呢五個女人，可以點搵啊。

就當我費煞思量諗緊呢五個女人可以點搵到以及同果五封遺書會有咩關係之際，阿欣佢返左黎，佢係披頭散髮，但好興高采烈咁返黎。





「阿賢！！！我跟左阿俊半日！終於見到佢同一個有可疑既人一齊拿！」我望住佢，佢一講一路衝過黎，直到，佢撲向我身上整到我跌左落地。

咁樣比佢撞一下，都好痛架。

「咁……咁果個人係點架？」我問坐住我既阿欣，而佢笑笑口咁話：「佢好似以前一套動畫既女角架，但我一時又諗唔到係邊套動畫。」

「……咁……咁妳諗度先再話我知啦。」我話：「可唔可以比我企返起身先啊？」

佢地挑左我起身之後，方叔叔就話：「果個阿俊，可能就係碇司令派黎既二五仔。」





「唔會掛，我同佢一齊著草上黎架ＷＯ。」我話，而阿妹就同我講：「都有可能架，碇司令為左要達到一個目的，可以諗出唔同既方法去令果件事發生。」

我聽到佢咁講後，諗左諗就話：「咁我地而家咩都唔好理，主力睇下阿俊係咩野底細同跟下佢先。」

「點解啊？」阿妹問，而我就好理直氣壯話佢知：「因為除左呢樣野，我都諗唔到有咩可以做，五封遺書無線索，而家仲要諗點搵大寶口中果五個女人，咁不如做再知道要點做果Ｄ先。」

「咁係未要繼續跟啊？」阿欣問，而我就對佢點一點頭，佢就好興奮話：「好啊，我發覺跟蹤好好玩架，我跟蹤佢果陣仲有好多識既人衝黎同我玩添。」

我諗阿欣所講既同佢玩既人，係發現左佢所捉佢既人。

「不如我去問下外公，問下佢會唔會知道舅父口中所講既五個女人係Ｄ咩野。」阿妹呢個提意都幾好。

「好，咁妳都小心Ｄ。」我話。

「知道。」佢答我。