[惡搞無極限] 就係咁，我同幾個豬朋上左大陸獵金: ２５６　傻佬

宿醉……好耐都未試過宿醉……原來我地三個訓左係大廳度，我望一望門口，尋日被打爛既依然係爛左，地下算有清理過，但仲有少少血跡，暴龍條屍唔見左，我仲記得尋日飲酒果陣仲係度，記憶入面好似係老方既小弟問佢點處理，老方話放返去比長恨哥。

我果兩位兄弟都訓左係我附近，仲訓緊，而我，就拍一拍痛緊既頭，一杯熱茶遞到我面前，「飲啦，咁既情況仲飲到咁，都唔知你點諗。」阿芳佢拎左杯茶比我。

我飲左啖後，問佢：「平叔呢？」

「佢無咩事，尋晚老方Ｄ人已經幫佢止左血，無生命危險，但係隻手傷得咁嚴重，可能只可以有以前５成左右既活動能力。」阿芳話我知。

我嘆一嘆氣，然後阿芳又話：「今次件事，有無問題？」





佢咁問，我都唔知點答。

「平時我對你不聞不問，係因為知道你可以自己處理，但今次，我有預感係件好煩既事。」阿芳講完後攬住我，「但無論你係咩野處境都好，我都唔會走開，所以你唔好諗住掟低我。」

我笑左笑，好欣慰咁笑左笑同佢講：「對唔住。」

佢無出聲，但我感受到佢對我搖一搖頭。

「賢仔點啊？」我問。





「阿哥搵左Ｄ人睇住佢，仲有阿爸。」佢答我。

「咁阿媽呢？佢無事嘛。」我又問。

「阿媽佢……」阿芳欲言又止，「佢都上左黎。」

「下？阿媽佢上左黎。」我問佢。

「係啊，不過佢因為唔舒服，所以無過黎，佢係另一個酒店度休息緊，我同阿哥一到步就趕過黎。」阿芳答。





阿媽佢上左黎，咁我要叫老方搵Ｄ人睇住佢先得。

「係呢？你……另一個女人呢？」阿芳問，估唔到佢會問呢個問題，佢都知道左，我都無謂再瞞住佢，「我叫左老方搵左Ｄ人去睇住佢地。」

「咁……我同佢會唔會見架？」佢又問，而呢個問題我更加估唔到佢會問我。

「我唔知啊，見面有點呢？」我問返佢。

「如果見面我緊係要扮靚Ｄ啦，我已經分左一半老公比佢，所以我唔可以醜樣過佢架。」阿芳呢句話，令我好感動，感動既唔係因為我可以二女共侍一夫，而係我犯左男人最大既錯，佢都可以咁從容對待。

我好用力咁攬住阿芳，「對唔住，係我欠左妳。」

阿芳只係微笑回答左我一句：「傻佬。」呢一句傻佬，仲好聽過我愛你。