[惡搞無極限] 就係咁，我同幾個豬朋上左大陸獵金: ２５５　大三巴

「又係你個死差佬！」暴龍好兇狠咁望住阿志，而阿志就用槍用力向暴龍下巴一推，「你而家無資格講野。」

阿芳就衝去我面前，然後好力咁打左我一巴。

我呆左咁望住佢，然後佢話：「呢一巴係打你瞞住我背後有第二個，雖然我一早知道。」一早知道！？

然後，佢又好大力打左我一巴，我仍然係呆左咁望住佢，只見佢眼角流出眼淚，然後話：「呢一巴係打你點解有咁重要既事唔同我講，自己一個人上身。」

根住，佢再好大力打左我一巴，呢一巴，好痛，係個心好痛，「呢一巴……呢一巴……」眼前既阿芳已經喊左出黎，我見到佢咁既樣，好心痛向佢講一句：「對唔住。」佢不停咁槌打我，好細力咁槌打我，「呢一巴……係打你掟低我同賢仔兩個自己上黎。」佢每一下既槌打，帶住埋怨，更帶住愛。





我好好咁攬左佢一下，然後望一望四周，再同佢講：「等一陣再慢慢同你講件事。」從新認真起來既我，望一望平叔，只見佢隻手個傷痕好深，但未置於斷左，我好愧疚咁望住佢，但係佢用一個無關係既眼神望住我，男人既對望，一切盡在不言中。

「老爹，你沒事吧。」其實我都估到大寶同平叔既關係，只係無問佢地。

「兒子，以後不要再碰這伙人啊，這伙人碰不得。」平叔同大寶講。

「大寶，你都知背叛長恨哥有咩下場架啦，你敢背叛長恨哥？」暴龍話，然後大寶面色一沉。

「我同你講左無你講野既機會啊！」阿志一野打左落暴龍個頭度，但係呢一下，比暴龍有機可乘緊甩左身，「你班仆街，捉撚到我唔殺我，你地真係ｏｎ䦨……」突然間眼前一個身影，身影帶住血腥味，咦，頭先把刀呢，我應該用完就放左落地下度架？去左邊啊？原來，係果個人拎左，果個人，就係而家企左係一分為二既暴龍面前，一隻手流緊好多血，而另一隻手就拎住把刀。





「你剛才說想將我的兒子，從頭開始一刀斬到屁眼是吧。」平叔冷眼望住早已經奄奄一息既暴龍，「不過，你應該聽不到我所說的話吧。」

平叔，將暴龍佢一刀斬開兩邊。

在場所有人都比平叔呢一下舉動嚇左一跳，而平叔斬完呢一刀，都體力不繼暈低左，好彩，大寶黎我切接住佢。

「暴龍哥給殺了……」現場所有人都講緊呢一句，而我同阿志對望一下，「可能，要殺去。」我向阿志話。


「你好好睇住我阿妹，我無咁多空閒照顧佢。」阿志笑一笑答我。





但係一切同我地想像既完住唔一樣，我地以為暴龍既死會令到佢班親兵一湧而上，但估唔到佢地竟然歡呼起黎，「以後不用再聽這個狗狼養的話了。」

一個人所做既事，係岩定錯，都好睇佢死後ｄ人會點講，好既就會名留青史，唔好既就會遺臭萬年，就咁聽呢班人既呢一句話，暴龍，係屬於後者。

係一個不知情既情況下結束左呢件事，暴龍ｄ人相繼而去後，剩返我地幾個係大廳，「快ｄ同平叔止血先。」我講完後，幾個人就夾手夾腳將平叔搬去一間房度，而我，就拎起老方比我既響箭，行出和平飯店，向天發射。

我再望一望和平飯店呢四個字，其實和平，係未真係咁易？如果係，就無我今次既著草。

響箭一發，唔到五分鐘老方既一大隊人馬已經到左，而且佢都親自黎到，佢見到平叔傷成咁，就即刻叫左佢隊醫療兵全力搶救。

「暴龍死左，長恨哥唔會就咁算。」老方同我講。

「我之前已經得罪過佢，多一樣同少一樣，有分別咩？」我笑住同佢講，然後佢都大笑起黎，而係我地兩個身邊既阿志見到我地咁，都無咁好氣同我講：「面對咁既事，你地仲笑得出。」然後，佢都笑左出黎。





「我地三兄弟好耐都無一齊坐飲酒，不如，就今晚啦。」老方話。

「好啊，但唔好飲醉。」阿志話。

「唔得，一定要醉，你又驚你飲左酒後追住人錫啊，放心啦，我同阿福慣架拿。」老方笑住話。

我地三個，真係好耐未試過坐埋一齊大笑大喝，「好，今日邊個唔醉邊個就係小賤種！」