[惡搞無極限] 就係咁，我同幾個豬朋上左大陸獵金: ２４８　咁熱心都有既

我只係望一望張卡片就扔左，而果位叫大寶既男人就執返張卡片，不停係我身後面跟住我，「先生，跑路也要食東西對唄，我跟你說，我每的妞都是高水準，保證你光顧過，以後會常常跑路。」

呢位扯皮條既手法又幾得意，「邊會有人鐘意成日著草架。」

「先生，你這樣說就不對了，每個人都不會想過自己會跑路的，全都是迫不得而，可以說是上天的安排……」佢講到呢度一副好仰慕既神情對住個天。

「返黎先，唔好祈禱。」我拍一拍佢，而佢仰慕完一陣後就繼續講：「所以先生今天來到這樣就是上天的安排，來到和平飯店也是上天的安排，拿到這張卡片更加是上天的安排，先生現在就有一個機會可以嚐到高水準的服務，為甚麼要放棄了？」

呢條友講野又真係勁，如果我定力唔夠既話，真係好易比佢動搖到，講到咁，大家都估到我唔會就犯啦，我行入去和平飯店，果條友仲跟過黎。





「先生，機會就在這裡。」佢咁落力，整到我有ｄ想打佢。

而我望一望平叔，只見佢一副無咁好氣既樣企左係掌櫃位到，無諗過過黎幫我手，咁唯有我自己幫自己啦，我一手捉住大寶個衣領，就話：「你條撚樣，唔好係度……」正當我講緊野既時候，一個大包飛左過黎，仲大大力咁打係我既頭上面，我真係無諗個一個大包都可以扔到我咁痛，我即刻放開大寶，然後望一望身後面，「邊個！？」

無人係認頭，但我見到平叔一臉既氣定神閒，但係都蓋唔住佢陣陣既殺氣，如果加上顏色的話，可以講一股紅色既氣直衝向我。

我呢個時候望一望大寶，佢只係係度傻笑，再望一望平叔，果陣殺氣無減弱過仲加多左添。

我不明白咁是但搵左個附近既位坐低，而大寶仲未知死坐左過黎，「先生，你就想一想吧。」





「你老母有無咁撚煩啊你，你信唔信我打……」「先生，這裡是不可以打架的喔。」大寶指一指我身後，我望一望，係平叔既位置，佢仍然係氣定神閒，殺氣無減，但點解好似同頭先唔同。

「你看到他旁邊的那個大包嗎？」大寶問我，我先發現原來平叔身邊多左個大包。

「先生，你不光顧沒問題，你就當讓我練習一下說話的技巧吧。」唔係掛，大寶哥。

「呢位阿哥，呢度都有幾枱人，點解係要揀我？」我問佢。

「你係最靚仔果個嘛。」估唔到佢會用唔標準既廣東話同我講，而我聽到後就笑左出黎。





「先生點稱呼？」佢問我。

「阿福。」我答佢。

我地，就係咁結識左，好可能，呢個係我身前最後一個結識到既朋友。