[惡搞無極限] 就係咁，我同幾個豬朋上左大陸獵金: ２２６　子欲養而親不在

方瀡帶左我地去一條好多人既街度。

「到未啊我地？」阿欣好心急咁一邊問一邊四圍望。

而阿欣咁問之後，方瀡就停低左，「就係呢度。」方瀡指一指佢所企係度既地方話。

我阿阿妹聽到，注視佢所企既地方，呢一個看似好簡單既石屎路，就係阿爸死果陣訓既地方。

「仲記唔記得你睇過果張相上面，叔叔係點訓係度架？」方瀡問，喚起我既回憶。





「如果我無估錯，果陣叔叔係咁訓，而佢背後中槍，如果佢無係中槍果陣轉身的話，開槍既地點應該係……」方瀡指住一個方向，「果度。」

我同阿妹一齊望過去，果度係一個緊路中心。

而阿妹望完之後，就慢慢蹲低，望住阿爸死果陣時訓過既地方，用手撫摸住，「爸爸，可兒探你拿。」阿妹佢無話自己係時興隆呢個名，而用可兒，我諗係因為呢個係阿爸親自幫仍起既名。

我都一樣蹲左係度，而企係我身邊既阿欣都係，「世伯，我係阿賢個女朋友啊，姐係你未來新袍，第一次見面，幸會幸會。」

我聽到阿欣既說話後，笑左笑，「阿爸，隔咁多年先可以返上黎睇你，對唔住啊。」估唔到，呢句對唔住後我會流出眼淚。





「阿哥，你仲咩喊啊。」阿妹望住我問，但佢自己而家都喊到成塊面都係眼淚。

問世界，最痛既除左愛別離係好痛苦外，至親之死可以話係當中最痛，更何況， 子欲養而親不在。