[惡搞無極限] 就係咁，我同幾個豬朋上左大陸獵金: ２２５　阿爸死既地方

「和平飯店，果名好有氣勢。」阿妹環顧左四周一下，「唔知阿爸果陣坐係邊呢？」

方瀡聽到佢咁講後笑左一笑，「呢樣野我就真係察唔到拿，不過，如果妳想知妳阿爸，可以問下呢度既老闆。」

「真架！？」阿妹聽到後好興奮咁話。

「呢度老闆就係你話已經金盆洗手果位老前輩？」我問，而方瀡就話：「係啊，佢平時都係度，但唔知點解今日唔見左人。」佢伸左個懶腰然後話：「可能，果位老前輩已經比人捷足先登約左。」

「下……咁未好可惜囉。」呢句說話係阿妹同阿欣一齊講。





「仲諗住可以見下Ｄ退隱江湖大佬添，我以前都未見過。」阿欣佢一副可惜咁話。

「係囉阿嫂，我都好想見一見果位老前輩，不如我地係度等佢好唔好啊？」阿妹問。

「緊係好啦。」阿欣聽到已搶先回應，而方瀡就笑一笑講：「我無所謂啊。」然後佢望住我，咁你地個個都話無問題，唔通我講唔好咩……

但係就咁，我地等左成三個鐘，茶飲左好多轉，野食都食左幾輪都未見到果位老前輩既影，而呢個時候其中一個伙計行左過黎話：「你們是等老闆嗎？」

「對。」方瀡回答。





「我看你們晚一點再來好了，因為老闆今天約了一個老朋友，不會這麼早回來的。」個伙計講完後就走左。

「咁……都無辦法，不如我地去另一個地方，去完果度我地再返黎。」方瀡同我地講。

「去邊啊？」我問。

「你爸爸死既地方。」方瀡好輕描淡寫咁講，但我同阿妹聽起上黎就好沉重。