[惡搞無極限] 就係咁，我同幾個豬朋上左大陸獵金: ２０９　不歸路

我好記得呢一晚，因為係我面前有一個兩難既決策……

果彈我係香港，收到一個郵包，打開左入面既野，然後放左係枱面。

枱上面有既，係一支槍，以及兩疊相，有一個人係呢一個月裡面，影左泙兒同小可住既地方，唔同既角度，唔同既時間，呢一疊相有幾百張，都好似係度話比我聽，有一個人已經對佢地虎視眈眈。

然後仲有另一疊相，係影左平時老可出入既地方，一舉一動，最後就係一張紙條：殺左佢，唔係死既你既妻女。

面對住呢個局面我都唔知點樣做好。





而阿芳就係呢個時候，靜靜咁企左係我身後面，「呢個女人係邊個？」問呢個問題既佢，其實心中一早已經有答案。

我望住佢，突然間覺得好無助。

佢再望一望枱上既所有野，然後問我：「係未發生左大件事？」

我點左點頭，但唔想講咁多。

佢行左過黎，攬住左我，「無論點都好，你始終都係我老公。」





呢一晚，我地久違既纏綿，直到第二朝早，我係盡量唔嘈醒佢之下起左身，當我收拾好晒野準備上去之際，我身去傳來一個人既聲音。「爸爸。」

陽光既照射，我好耐都無試過係早晨同賢仔講野，我行左過去，摸一摸個頭，現後好認真講以下呢一番話：「賢仔，你以後要好好照顧呢頭家，好好睇住你阿媽。」

因為我覺得，我今次上去，就無機會再返落黎。