[惡搞無極限] 就係咁，我同幾個豬朋上左大陸獵金: ２０８　上天豈能盡如人意

唔知係未上天既巧合，天生安排我要同暴龍成為一身既敵人，呢個泙兒，原來係佢介紹比大陸一個社團大哥識。

而家，就比我搶左去，唔單止咁，我就將人地成個字頭剷起左，一方面好多人都怕我，但另一方面，我就樹立左更多既敵人。

一個字頭既消失，係另一個字頭彈起既踏腳石，但彈起既唔係個字頭，而係另一個……無他既，我既字頭彈唔起，因為今次我選擇左，不要江山愛美人。

好快泙兒就幫我生左個女，因為我樹敵既關係，我將佢兩母女帶左去一個無咩人既村到住。泙兒佢無怨言，死心塌地咁跟我。

佢堅持要教個女講廣東話，因為佢想個女同我溝通我好Ｄ。





但男人為左事業，變得好少時間去睇佢地，何況我香港仲有另一頭住家。

而呢件事，就只有我個好朋友老方知道。

事業雖然有少少阻滯，但都算叫有Ｄ成就，而且又有兩個好愛我既女人，我覺得上天對我我都唔錯，但就係我咁諗之際，上天就同我問左個好大既玩笑……