[惡搞無極限] 就係咁，我同幾個豬朋上左大陸獵金: ２０５　事與願違

飲飽食醉，我地幾個人走去成日ＨＥＡ既地方，某一個天台。

買左一打啤酒，三兄弟係度吹水。

「搞完呢單野，你地之後點？」阿志問。

「睇下阿公會唔會紮我地職囉。」我答，而老方就不停係度飲酒。

我同阿志都無理過佢，繼續吹水。





「幾時同我阿妹拉埋啊。」阿志問。

「你想有個撈偏既妹夫咩？」我笑住問佢。

「咁你想唔想有個當差既舅仔？」佢又笑住問返我。

其實由細識阿志到大，好難得我地而家身份懸殊都仲可以做到好兄弟，我同佢兩個人，唔會因為兄弟情而影響到各自既工作。

佢曾經問過我：「你估會唔會有一日係我捉你入監房？」





果陣我雖然笑住答佢：「你有咁既本事先算啦。」但係，我唔想發生Ｄ咁既事。

而我亦都以為我地兩個既兄弟情可以一直唔被工作影響直到永遠，但係，世事永遠都係事與願違。