[惡搞無極限] 就係咁，我同幾個豬朋上左大陸獵金: ２０４　當差阿志

每次搞完大鑊野，我都會同老方黎到呢個大排檔食飯，而姐，會叫埋另外一個兄弟。

「唔好食晒呢Ｄ啊，要留返比阿志架。」我望住不停咁塞野入口既老方話。

「食晒未再叫過囉。」老方話。

而我地等緊既人，就係呢個時候到左，佢行左過黎，都未坐得就話：「都唔撚知邊撚過玩西瓜，搞到成間野都係，仲要血加埋Ｄ西瓜肉，抹左佢又話會破壞案發現場。」

我同老方望住佢係度忍笑，而阿志見到我地咁，就話：「你兩個仆街咁款，一定係你兩個做架啦。」





我地聽到佢咁講後，放聲大笑，然後老方就話：「唔好咁惱，下次我地唔用西瓜，同蜜瓜。」

阿志係一個當差既人，同我地呢Ｄ古惑仔既身份……其實都無咩分別，當差對我黎講，只不過係有牌古惑仔，同埋多Ｄ規則要守，以及要比法律約束住，我係一個天生不羈放縱愛自由既人，如果當差唔係咁煩既話，我都會去做。

「呢個方法邊鬼個諗出黎架？」阿志問我地。

而老方就指一指我，我就好得戚咁笑一笑。

「都諗到係你個死仔諗架拿。」佢講完之後就飲左一啖啤酒，「咁你呢排仲係未咁忙啊，你好耐都無搵我阿妹拿。」





佢口中講既阿妹，係我女朋友。

「放心啦，忙完拿，男人以事業為重嘛。」我話。

「咁你快Ｄ搵下佢啦，佢擔心你擔心到日日茶飯不思。」阿志話。

「明白。」我比左個禮佢。