[惡搞無極限] 就係咁，我同幾個豬朋上左大陸獵金: １９０　咁去邊度好？

「著草！？好玩啊！」我都估到阿欣會係咁……

而我望住阿俊，問佢：「我地著草上黎大陸，唔通我地著草返香港啊？」

阿俊用一個不解既目光望住我，唔止阿俊，阿妹都係一樣，我唔明點解佢地兩個要咁樣望住我。

而阿欣就繼續好ＨＩＧＨＥＲ咁話：「我第一次著草架咋，唔知會係點既呢。」

而阿妹而家就問我：「阿哥，點解係著草去香港？」





「唔著草去香港，唔通著草去台灣啊，我地邊有咁多錢啊，仲有啊，坐船去台灣咁撚遠，中途比台灣軍人捉就大件事。」我講完之後，唔只佢地兩個，就連阿輝同阿倫都用一個不解既目光望住我。

「我地唔明ＷＯ。」佢地一齊同我講，除左仲興奮緊既阿欣。

「你地唔撚明Ｄ咩啊？」我問返佢地。

「點了係香港囉？」佢地反問。

「因為我地係香港著草上黎，無理由而家要著草返去囉。」我又答多次。





「無人話要返香港啊。」阿妹話。

「咁唔通去台灣啊！」我講到有Ｄ燥。

「點解要係台灣……」佢地有一個好不屑既目光望住我，然後話：「大陸咁多地方唔去，點解一定要跨境？」

咦！？係ＷＯ，我地香港要跨境著草，係因為香港細姐，但如果大陸著草，係唔駛跨境都得架ＷＯ……ＯＮ９左添我。

「……咁我地應該去邊？」我問。





而阿妹就係呢個時候話：「我有一個地方提議。」