[惡搞無極限] 就係咁，我同幾個豬朋上左大陸獵金: １７７　恍若隔世

我望住眼前呢位，喊到好慘，但又係度傻笑緊既時興隆，笑左笑話：「我醒左拿，妳落返黎先好唔好，好重啊妳。」

佢慢慢咁走落床，仲話：「嚇死我啊……我以為岩岩先認返你，你就要死。」

好虛弱既我反左反白眼，以後話：「邊有咁易死。」

我用手摸一摸腰間，都係有繃帶係度，但係，就無左果泗本回鄉證既感覺，「果四本野係……」正當我想問阿妹佢果四本回鄉證係邊既時侯，就見到果工條友仔，好得戚咁拎左自己本回鄉證望住我係度笑。

「做咩啊，好唔捨得我地本回鄉證啊？」阿倫話。





「你有咁既嗜好架咩？」阿輝話。

「我地唔介意放返入去先架。」阿俊話

然後阿妹望一望我問：「阿哥你想放返入去啊？」佢真係問得好天真。

「傻啦，拎左出黎仲放返入去癲左咩？我果本呢？」我問。

阿妹拎左我本回鄉證放左係我前面，「呢度啊，阿哥。」





我摸一摸自己既回鄉證，真係恍若隔世，你知唔知我陀你陀得幾咁辛苦，要開肚先拎得返你地出黎。望住本野，我好感動，就好似，我自己生左本回鄉證出黎咁。

「阿哥……」阿妹望住我問：「……你地拎返本回鄉證，係未會返香港拿？」

我望一望阿妹，正當我想答果陣，果三條友仔已經搶住答：「點會，我地仲要幫妳送貨，然後去妳度。」阿輝講。

「你啊……」阿倫接住話，但講得有Ｄ唔好意思：「……妳阿哥話幫妳送完貨，要去妳住既地方睇下。」咦，佢頭先話我係佢阿哥，唔通阿倫都接受左時興隆係我阿妹既事。

而阿俊，佢只係唯唯諾諾咁話：「……係啊……無咁快。」





「好野！」阿妹好開心咁話。

係房入面，充滿住歡笑，真係好，終於拎返果四本回鄉證。