[惡搞無極限] 就係咁，我同幾個豬朋上左大陸獵金: １６１　懷凝

因為幾個兄弟既要求，我叫左阿妹佢返房先，而一關左門後果幾個兄弟就話：「其實佢係未真係你個妹黎架？」阿倫問。

「我都係信一半唔信一半。」我答。

「咁佢知唔知你搵金既事？」阿俊問。

「佢唔算知掛，不過我有提過批金Ｄ野。」我答。

「你估佢會唔會特登扮你個妹？」阿輝問。





佢咁樣一問，我認真一諗後答佢：「會有咁既可能咩？」

「有可能。」佢地三個都一整話。

「我地係監倉度都有講過批金既野，可能佢都聽到。」阿俊話。

「係啊，可能佢就係因為咁，想拎批金，所以就認做你個妹。」阿倫話。

「但係……」阿輝諗左諗後講：「……佢又可以講到批金係自己度，無套我地問知唔知批金係邊，又唔覺佢係扮ＷＯ。」





阿輝，點解你無啦啦醒左咁多既，聽你咁樣講一講，我又真係諗唔到點解時興隆要扮我阿妹。

「我點都覺得佢係扮。」阿俊話。

「我都係。」阿倫附和。

我聽到佢地咁講後問：「咁你地想點？」

佢地兩個好理直氣壯咁話：「唔知！」





頂……都費事同你地兩條友講。