[惡搞無極限] 就係咁，我同幾個豬朋上左大陸獵金: １５７　安睡

我用盡所有既力氣去壓制住我所有既興奮同快樂，然後繼續問阿妹：「咁果Ｄ金放係妳屋企安唔安全架。」

「安全啊，而且我左特別處理方法，所以好安全。」阿妹答。

仲有到特別方去處理，我諗一定唔簡單。

「咁……妳估我地送完貪後，會唔會有時間去妳屋企……」「咩話！？」

「我話送完貸之後，可唔可以去妳屋企度睇下……姐係我都想知道阿妹而家住既地方係點。」我求其咁諗左個借口同佢講，而佢真係估左，而且仲喊左出黎話：「阿哥你真係好人啊……」





好人……其實我用咁既方法去妳度睇批金，都唔好得去邊咋……

我拍一拍喊到傻晒既阿妹個頭，然後話：「好拿，唔好再喊拿，去沖過涼啦妳，好好休息下。」

「嗯。」佢好聽話又天真咁點左點頭後就衝左去浴室，然後仲時不時都會講：「好野，我有個哥哥。」

而我，就訓左係床上面，諗緊批金，諗緊阿爸，諗緊阿爺，仲有諗緊點同果三隻友講知道批金既下落……然後，就訓著左，著草日子入面，我都係得今次可以咁安然入睡。