[惡搞無極限] 就係咁，我同幾個豬朋上左大陸獵金: １５６　真係踏破鐵鞋無覓處

就當阿妹仲開心緊有我呢個阿哥之際，我問佢：「阿妹啊，阿爸走左之後，有無留低Ｄ咩野？」

佢眼仔碌碌咁望住我問：「留得Ｄ咩野啊？」

「可能留低Ｄ說話啊……交帶啊……又或者……」我吱唔左一陣然後先切入主題：「……又或者財產啊……金啊……」

「有啊。」佢好快咁答左我。

「真係有！？」我問。





「有啊，爸爸最後有同我講有事既話去搵一個叫做『方塊酥』既叔叔。」佢答我。

「哦……咁仲有呢？金呢？」我再直入主題。

「都有啊，而家係我屋企度。」佢答，答我好輕描淡寫。

唔係掛！？竟然咁簡單就問到！？真係踏破鐵鞋無覓處，那人卻在燈火闌珊處。