[惡搞無極限] 就係咁，我同幾個豬朋上左大陸獵金: １３８　成人用品店！？

飛機杯，唔係上面印有飛機圖案果Ｄ，而係當一個男人，係夜欄人靜既時候用黎解決佢地情慾既工具，科技既先進，而家飛機杯都出左好多款式，而且有Ｄ仲模仿知名女優而做……

頂！呢Ｄ關我春事啊！我只係想知道點解眼前果兩袋野係飛機杯咋！

我果三位兄弟不停係度忍笑，根本出唔到聲，一出聲一定會笑出口，而我，就好無奈咁望住兩袋野，問前面果位碇司令：「點解……會係呢Ｄ既？」

碇司令好認真咁望住我講：「有咩問題？」

「咁……又無。」咁佢咁樣問，我又真係唔知有咩問題ＷＯ，唔通問佢係未開成人用品店咩，先前就假撚，而家就飛機杯。





「但係，呢Ｄ杯入面係未有其他野架。」我又問。

碇司令繼續佢好認真既眼神話：「有Ｄ野你唔駛知咁多。」

「哦。」咁又係，我知黎做咩。

「入面有Ｄ粉係度。」阿碇司令，你剛剛先話我唔駛知咁多，但而家又無啦啦講比我聽，咁姐係算點啊。

我果三個兄弟聽完後，終於笑唔出唔駛忍笑，而換左係碇司令笑住咁講：「我係各地都開左一Ｄ成人用品專門店……」頂！咁都比我諗中，真係開成人用品店，「而其實成人用品店只係掩飾，主要我都係放下Ｄ丸仔之類。」





佢講完之後笑得好陰森咁望住我地又話：「我係未好醒目呢。」

係某度上黎講，都算係既……

「頂！」阿俊佢無啦啦咁講左一句：「唔怪得知先前玩某個飛機杯果陣！會有Ｄ粉末出左黎啦！我仲以為我有病添！」

「睇黎你係我既客仔ＷＯ。」碇司令陰森咁笑住講。

而我地就好無奈咁望住阿俊……你想我地比Ｄ咩反應你？