[惡搞無極限] 就係咁，我同幾個豬朋上左大陸獵金: １３７　今次唔係假撚

唔知過左幾耐，個大隻佬又出左黎話：「大哥叫你們去見他。」佢開左我地既鐵匣，示意我地出去。

又係同先果條路，我地幾個又返到去頭先果間房。

入到去，碇司令已經擺晒POST坐係度，而佢旁邊就企住一個人，果個人係時興隆。

除左佢地，仲有兩大袋野係度。

我地幾個企左係佢地前面，都唔知應該講D咩好。





「大哥，你確定我今次要帶埋佢地去？」時興隆問。

碇司令點一點頭。

「其實我自己一個人都可以，唔駛佢地WO。」佢又講。

碇司令望住時興隆，好肯定咁講：「我主意而決。」

時興隆聽完後，好唔忿氣咁幾個兩大袋野放左上枱面，然後話：「你地幾個跟住我最好醒醒定定。」





阿俊見到果兩袋野，問：「我地可唔可以知道係D咩黎？」

「你地咁多事做⋯⋯」「開比佢地睇。」時興隆本來唔想開果兩袋野，但係聽到碇司令既說話後，佢又好唔忿氣開左個袋。

「就係呢D。」碇司令向住我地講。

我地幾個望住果兩袋野，真係唔知笑好定唔笑好。而家大陸係未興用呢D野送貨架，同一類產品，係未覺得呢D貨會無人CHECK？

我地幾個望住兩大袋飛機杯，阿俊阿倫阿輝就係度忍笑，但我就一臉無奈。