[惡搞無極限] 就係咁，我同幾個豬朋上左大陸獵金: ８６　自求多福

成個下午，阿俊都唔見左人，而我就留係間ＧＡＹ　吧入面，同勞斯萊斯吹水。 

「話咁快黎左呢度都差唔多五年。」勞斯萊斯話，然後指住月歷上面一個日期。 

「你意思係呢日？」我問。 

「係啊。」 我睇一睇月歷，個日子係聽日。 

「轟……」突然間，ＧＡＹ吧外面傳出好多電單車既聲音，而我，有一個不祥既預兆。 





「出面咩事咁嘈？」勞斯萊斯問緊，而我心中有一個答案，希望唔好成真。 

我同勞斯萊斯行出去，見到既，係一個電單車隊，當中有個我最唔想出現既情境出現左…… 

「阿俊你仲咩搞成咁啊。」勞斯萊斯擔心地講。 

係啊，阿俊佢又唔知搞左咩大頭佛出黎，睇個樣佢好似比人打左一身，綁住左係某個人既車尾上面。 

「呢條友好大膽，夠膽一個人衝入黎話搵ＭＡＮ　姐，打佢一身算便宜左佢。」 阿俊，本身件事已經好複雜，點解你仲要制造呢個災難出黎。 





「好彩ＭＡＮ姐今日唔得閒，而且佢有令未過聽日都唔會收你地兩個皮。人而家就比返你地先，過左聽日你地自求多福啦。」 

如是者佢地拋低左阿俊後就走左。 

我同勞斯萊斯衝上去扶起阿俊，問：「仲咩事無啦啦又去果度啊？」 

阿俊咳左幾聲，「覆桌囉。」 

大佬啊呢度唔係你地頭，唔好咁玩野好唔好啊。