[惡搞無極限] 就係咁，我同幾個豬朋上左大陸獵金: ８５　出一出去好快返

就係咁，過左第二過晚上，最後我同勞斯萊斯傾左成晚，到就快天光先開訓有睡意。

係勞斯萊斯間房度係可以見到日出，我望住剛剛升起既太暘，迎接住著草日子既第二個早晨。 

估唔到短短兩日，就可以發生左咁多事，又落船後好簡單咁訓左晚，識到個ＧＡＹ佬，入左間ＧＡＹ　吧，到得罪左ＭＡＮ姐，紅毛再次比人爆樽…… 

呢Ｄ咁突如其來既事，我可以作出一個結論……我最近係未當黑，所以先會發生咁多不何預期既事。 

我用部電話影左日出張相，然後ＳＤ左比阿欣，係ＷＴＳＡＰＰ　到，我見到佢最後上線時間係三個鐘頭前，我諗佢未訓醒。 





睡意既侵襲，我係勞斯萊斯房既窗邊果張凳上面訓著左，訓醒後，已經係下午三點幾。 

阿俊已經唔係間房入面，我亦都落返間ＧＡＹ　吧度，因為隨左落去，我都唔知可以去邊度。 

落到ＧＡＹ　吧，勞斯萊斯一見到我就話：「唔訓多陣？」 

「訓夠拿，阿俊呢？」 

「唔知ＷＯ，無見過佢落黎。」 聽到勞斯萊斯咁講後，我答：「但佢唔係你間房ＷＯ。」 





「會唔會返左自己房啊？」勞斯萊斯問。 

「可能掛。」 勞斯萊斯拎左份早餐比我，「食啦，訓醒左應該好肚餓。」 

「我上去叫埋阿俊先。」我回答，然後去左阿俊間房。 

但係，阿俊都唔係間房度，我望一望阿俊間房，發現左一張紙條：「我出一出去好快返。」 

睇到呢張紙，一種大件事既感覺衝左過黎，阿俊哥，你已經帶左好多麻煩野比我，唔該你呢次出一出去，唔好又再搞件煩野。