[惡搞無極限] 就係咁，我同幾個豬朋上左大陸獵金: ７５　天生一對

「你同佢第一次見，就請你做埋呢Ｄ　野同話晒Ｄ　野比你聽，咁都得。」阿俊聽完後問勞斯萊斯。

「其實我都係咁諗，只不過佢話自己睇人好準，所以好相信我ＷＯ。」

「咁樣請人既方法都幾新鮮ＷＯ。」阿俊屑笑左一聲。

「所以你就開始係度做野，同ＭＡＮ姐日對夜對下，互生情素？」我問。

「生情素既人，係佢，而且……」勞斯萊斯又好唏噓咁食左啖煙。 





—　—　— 

日對夜對下，阿文慢慢對阿勞斯萊斯產生好感，佢成日偷望勞斯萊斯，佢一舉手一投足都深深咁吸引住佢。 

只不過，因為老闆吩咐勞斯萊斯做其他既野，而阿文又唔駛做果Ｄ事，所以勞斯萊斯好多時侯都會一個人同老闆傾野，而阿文，又一開始做野到而家，同老闆單獨既機會少之又少。 女人既妒忌心，可以令一切事諗得好負面，阿文開始諗，勞斯萊斯會唔會同老闆有路。 

但只不過，佢一直覺得勞斯萊斯係鐘意男人，所以佢不停有咁既念頭，但下一刻又不停推返。 

就咁樣，時間過左三個月，勞斯萊斯係間吧做既野都上晒手，而且成佢貴言，因為佢多左好多人黎呢間吧，亦都真係好多佬溝佢…… 





但都多左好多客人無啦啦比人爆樽，一直都捉唔到邊個係兇手。 

老闆有見及此，都叫左勞斯萊斯查下。 

—　—　— 

「等等，有Ｄ野想問。」就係我好認真咁聽緊勞斯萊斯講故仔既時侯，阿俊無啦啦加左把口問野：「ＭＡＮ姐果陣時未知你鐘意女人，以為你鐘意男人，但係又深深咁愛上你既？呢度有Ｄ奇怪ＷＯ。」 

佢咁講又係ＷＯ，好似有Ｄ怪。





勞斯萊斯笑一笑，玩緊手中既酒杯，「如果我話，佢同我係同一類人呢？」

「同一類人？」我同阿俊問。

「我鐘意不是女人的女人，而佢係鐘意不是男人的男人。」 

頂你，大叔控加不是男人既男人，食得仲偏過大叔你WO，你地兩個呢Ｄ未叫做天生一對囉。