[惡搞無極限] 就係咁，我同幾個豬朋上左大陸獵金: ７４　ＧＡＹ吧只係掩飾

「你想係度住都無問題，但係你要係度幫手。」係勞斯萊斯面前既，係「英紅吧」既老闆，一位少女。 

「酒吧工作好簡單姐，無問題。」勞斯萊斯好有自信咁答。

「我呢間係間ＧＡＹ吧，你知道架啦，可能無你想像中咁簡單。」

「放心啦老闆，我天生乸型，應該同Ｄ客好易熟。」

「係咩……」果位少女笑左笑：「我驚佢地個個溝你，因為爭你係我間吧大打出手咋。」





「咁未可以幫間吧吸引更多客人囉。」勞斯萊斯講完後大笑。

「我真係服左你……」果位少女停左停，又問：「咁你係未真係ＧＡＹ佬先。」

「老闆，我係百分百乸型，但我肯定自己鐘意女人既。」

「咁我同阿文未好危險。」少女笑住咁講。

「咁又唔會，妳同佢都唔係我杯茶。」





「咁你鍾意咩ＳＴＹＬＥ　先。」

「遲Ｄ話妳知。」 兩個人都笑左笑，然後少女收起講笑既態度，認真係黎，「言語間，我幾鐘意你份人，我想你係度幫我做多Ｄ野。」 

勞斯萊斯聽到後，問：「係Ｄ咩野？」

 「『英紅吧』係一間ＧＡＹ吧，但係實際上係一個情報收集站，呢度其實好龍蛇混雜，最近我有比較忙，想搵個人幫手，你有無興趣？」 勞斯萊斯諗左諗，又問：「阿文佢知唔知架？」 

「佢唔知，佢係個細佬女，入世未深，唔想帶佢入呢個圈子。」 勞斯萊斯又諗左諗，「我無所謂，橫店我黎呢度都係創一番事業，無論係咩野機會我都會去試。」 





「咁你就好好幫我手啦。」少女微笑住講。