[惡搞無極限] 就係咁，我同幾個豬朋上左大陸獵金: ６５　跑啦！仲望！

仆街……唔撚係掛……係我地面前呢個ＭＡＮ姐唔通係…… 

「我而家同你地兩個閪佬講！呢條街就係我地ＭＡＮ　姐睇既！你地而家想點先！」 

屌……真係比我估中左…… 

第一次著草就著到要比人圍，究竟係我無著草既天份，定係我當黑。 

企左係我旁邊既阿俊，望一望四周圍，笑左幾聲之後講：「你地咁多人，我仲有咩好講。」

佢好氣定神閒咁望住阿ＭＡＮ　姐，然後不停咁掌摑自己，仲一邊話：「係我多咀，而家還返幾巴比妳。」 

所有人，包括ＭＡＮ　姐同我都睇住阿俊係度摑自己，呢Ｄ可唔可以係話，能屈能伸。 

摑完，阿俊轉身行左一步，然後講：「無事既話，我地走。」 

佢頭也不回咁行左去，而我就慢左半拍先追上去，但係…… 

「你地真係以為咁樣就算數！」 





阿俊企左係度，深呼吸左一啖，笑笑口咁擰返轉頭望，然後就同我講：「記唔記得你果晚跑得好撚快。」 

「你ＵＰ咩啊？邊晚啊？」 

「我點你相拍片果晚啊。」阿俊話。 

「哦，你講果……」我成句話都未講完，阿俊就已經起步跑。 

「快Ｄ跑啦仲望！」