[惡搞無極限] 就係咁，我同幾個豬朋上左大陸獵金: ２７　唔好四圍走

我望住舅父，「你咁講係咩野意思？」 

「你知唔知果晚講數果班人入面，有個比你條女爆樽既其中一個人，係某社團大佬個仔。」舅父，你唔會係呢個時候講呢Ｄ笑掛。 

「仲有，其中一個係某社團大佬個女既男朋友。」呢個關係疏Ｄ　ＷＯ舅父，０分重作啊。

「最緊要係，其中仲有一個人係我地警方既臥底。」嘩，岩先話完你就即刻咁有創意啊舅父。 

我呆晒咁望住舅父，都唔知可以比到Ｄ咩反應，而舅父都好少理，繼續講佢既野。 





「而家你得罪左人地成個社團，我諗你要上去避一避風頭，時間都要幾耐下。」 

「但……舅父，唔關我事架ＷＯ，係我條女爆９佢地，唔係我ＷＯ。」

我開始有少少興興地。 

「但係你條女喪，咁難捉，你咁撚廢，緊係捉左你用黎要脅你條女啦係未咁話先。」

舅父毫無情面咁講。 





而我阿媽仲加把腳，「係囉，佢真係好撚廢。」 

阿媽，我係你生架ＷＯ，你幫下我好ＷＯ。 

「門路我幫你搵緊，搵到我就會通知你，你呢幾日最好唔好四圍走，留係屋企好Ｄ，佢地無咁快會搵到你住邊既。」 

「咁阿欣點啊？」我問舅父。 

「放心啦，我地會搵Ｄ人睇住佢……」舅父欲言又止，「不過講真，你條女真係好喪，點解你會鐘意佢。」





 「我自己都好後悔架舅父。」舅父聽完我呢句後大笑左，而我阿媽就問：「其實，ＴＨＩＳＡＶ　係咩黎架？」

都話佢會問架啦，有無Ｄ巴打答過自己阿媽呢個問題既可以分享下經驗啊？