[惡搞無極限] 就係咁，我同幾個豬朋上左大陸獵金: ２６　件事無咁簡單

講真，餐飯我就真係無咩胃口，但阿媽同舅父就唔同，胃口同平時差唔多。 

到食完飯，由我話食埋生果，糖水，飲埋杯茶，咩都用晒之後就無得再拖。 

「茶都飲埋，可以講比我知發生左Ｄ咩事未？」阿媽問緊舅父。 

「阿姐，其實呢，好少事姐。」唔係啊話舅父，真係好少事咩？ 

「咁講啦，我聽緊。」 





「我諗，阿賢今次要返大陸避一避好Ｄ，等Ｄ風聲無咁多既時候，就再落返黎。」

下，舅父，係未姐係叫我著草啊？ 

「解決方法我唔想聽住，我只係想知道因咩事要搞到要返上大陸避？」阿媽問。 

而我覺得，點都要經我把口話比我阿媽知，「阿媽，我比人拍左段片放左上網……」

 阿媽聽到後，好冷靜咁問我：「係咩野片？」 





舅父聽到我阿媽問我果陣，已經用電話上左ＴＨＩＳＡＶ度搵左條片，放左比我阿媽睇。 

我阿媽睇完之後，望住我，「點解惹到呢Ｄ人？」 

如是者，我一五一十講晒果晚同阿欣去打邊爐既事比我阿媽同舅父知道。 

「你地都玩得好癲ＷＯ。」阿媽笑笑口咁拍住我膀頭，而我就好尷尬咁笑左出黎，換黎既係比我阿媽昇左一巴。

 而舅父就同我講左句，「賢仔啊，件事無你想像中咁簡單。」 





咩話，仲有得再複雜架……

仲有我有野樣好想問，咩電話上到ＴＨＩＳＡＶ　架咩？