「手天使的愛情」幫人洩慾，竟愛上盲女。: 74；與Ivy熟絡。
講起食素，不得不提我當日走去跪黃大仙，希望佢保佑我爺爺嫲嫲手術成功，身體健康。我願意食一年素為佢地祈福。而當永芹飛去美國做手術，我再次走去跪黃大仙，齋燒香都燒咗幾百蚊，逐個神明去跪拜。
保佑我爺爺嫲嫲爹地媽咪長命百歲，身體健康，保佑永芹手術成功睇返野，我願意食夠一世素。
起初頭2個月，非常難頂！我每日都睇住美食節目咁黎望梅止渴，食素當食肉，到家陣我好叻仔，已經習慣咗食素。
每次想食肉，我都會諗起我跪黃大仙時既說話
係，莫講食素，要我折壽20年我都ok，我真係好想屋企人見到我有出人頭地既一日。
如果永芹手術成功，我全家人都會接納佢，到時候我就可以做至少幾十年既幸福男人。
而今次廣州之行，令兩老非常高興，我同佢地講，等我，無論如何都撐埋落去，阿孫仔一定會出人頭地咖
就算我d所謂劇本冇人要，至少我都要喺殘聯會升職。
喺廣州住咗5日，每日我都等緊永芹既電話，好想知道佢做完手術，我承認我係有私心，萬一佢真係醫唔返好，我反而最接受到呢個結果。咁咪等我照顧佢一世
我有N多預感，如果佢睇得返野，我同佢就玩完
喺廣州既5日，我完全feel唔到媚媚為咗我既兩萬蚊而黎，我忽然之間覺得自己多咗一個好close既好朋友，我地無所不談，日夜嘻嘻哈哈笑唔停。
卒之我同媚媚返到香港，我去銀行禁錢俾佢，佢竟然拒絕咗。
媚媚：「導演，下次埋位仲搵唔搵我？」
我：「你都唔肯收酬勞，我驚你第時會去演藝協會告我爭你酬勞
」媚媚：「同你一齊真係好開心，多謝你
」我：「你真係唔使擔心我窮wor，我唔係故事半生緣入面咁窮咖，我都有d錢咖
」媚媚：「都話唔使啦，如果可以，你得閒約我出黎食下飯，你埋單咪ok
」我：「幾皮野一餐個d？鬼馬啦你，拋磚引玉
」媚媚：「吉野家打邊爐都ok咖啦。」
東鐵上，就到大埔站，媚媚已經叫我準備落車，佢話佢自己一個人返屋企就ok，咁好啦，我都唔扮曬君子啦。
而當我行緊返去廣福道個陣，聽到whatsapp既聲音，一睇，芹芹，錄音黎
一播放，聽到芹芹唱歌俾我聽：
「陽光優雅地漫步旅店的草坪
人魚在石刻牆壁彈奏著豎琴
圓弧屋頂用拉丁式的黎明
顏色曖昧的勾引 我已經開始微醺
火紅的舞衣旋轉在綠蔭小徑
連腳步都佛朗明哥的聲音
懸在窗櫺 小酒瓶晃的輕輕
對著風溫柔回應 原來愛可以寂靜
馬德里不思議 突然的想念你
彩繪玻璃前的身影 只有孤單變濃郁
馬德里不思議 突然那麼想念你
我帶著愛抒情的遠行」
好流暢，冇口窒窒，好好聽
而第二段錄音就係永芹話佢做完手術，但未拆紗布，但開心到想唱歌俾我聽
我問佢點解咁叻女識用whatsapp錄音俾我既
佢話爹地媽咪陪喺佢身邊，幫佢禁電話
我覺得好感動，永芹第一時間都係想同我whatsapp
（錄音mode）
我：「永芹，我砌咗條手鏈送俾你。」
自問畫功已經唔掂，除咗識煮下野，動手能力勁差。見到上次表妹（小學生）黎我屋企送咗d玩具珠仔幾得意，於是將佢串成手鏈。
永芹：「哈哈，係咪真咖？」
我：「真咖，但好似好醜樣
」永芹：「點會呀？你親手整咖啵。」
我：「等你返黎，親手為你戴上，嫌棄唔緊要，不過唔好笑我kai
」「喂，媚媚。」同永芹傾完whatsapp，我即刻撥個輪俾媚媚。
「點嘛，大導演。」
「你可唔可以當我係你男朋友？幫我執執個look？例如帶我去剪個靚既髮型，幫我揀幾件衫褲，我想醜男大翻身。」
「咁你都唔係醜既，係望落似羔羊，蠢蠢地，kaikai地
」「有冇得變得smart d？」
「唔知呀，不過幫你set look係冇問題既。咁你打算點報答我先？」
「中出你一次，ok？」
「似我報答你多d wor，只不過你唔係青頭咩，永遠插那個屬於你的hole hole
「講笑啦，咁啦，上次幾皮野你又唔收，不如我送份禮物俾你。」
「咩黎？」
「有我亞臣親筆簽名既聖誕卡x50張，未來50年既聖誕卡我都一次過俾曬你。」
「頂
咁要租迷你倉先得啦。」「所以話你呀，諗野唔夠大局觀，我呢d咁既人才，出年就會入圍金像獎最佳編劇，最佳導演，最佳新演員，最佳新晉導演，最佳男配角，最佳男主角，最佳原創歌曲，個人獨取7項大獎。到時我出咗名，你d聖誕卡張張都值錢咖
」「我信既，不過我唔想等咁耐，不如我帶你set個look你請我睇戲食飯。」
「一言為定！」
永芹返黎，我第一時間諗到點執個look，冇理由仲係油菜頭，豬油面，波衫當衫，
同媚媚有啱咀型，梗係搵佢幫手喇。
只不過我未試過單獨同女仔睇戲同食飯，於是即刻係朋友group發問：
我：「我想問呢，如果同女仔睇戲食飯，應該做d咩？」
天下第一型男JimJim：「岡本0.03」
Jason：「射精。」
Wing：「口爆。」
韋利安：「你都有女溝？有女自離啦，管理員在哪裡，有人有女呀，踢得。」
我：「屌鳩死你地老母呀！認真問」
Edwin：「睇戲咪睇戲，食飯咪食飯，你問應該做d乜，笑死咩人。」
瞬間又被秒殺，又知道自己柒撚咗。
係lor，睇戲咪睇戲，食飯咪食飯