「手天使的愛情」幫人洩慾,竟愛上盲女。: 73;搵出租女友返大陸俾爺爺一個放心。
我:「你唔覺得我chi lun線咩?」
Ivy:「唔會呀,尤其係見咗你之後,更加肯定你唔係壞人。」
我:「有冇人講過你好靚?」
薑薑:「成日都聽到。」
我:「但願我唔好有咩冒犯,請多多得罪!」
薑薑:「例如呢?」
我:「例如偷摸你精緻既臉龐。」
薑薑:「對手唔好凍冰冰就ok既。」
我:「OK
![](http://forum12.hkgolden.com/faces/wink.gif)
踏上和諧號的列車,一個鐘頭左右,已經到咗廣州東站。
嗯,廣州,十幾年冇黎啦。
比起我既感觸,身旁薑薑顯得好雀躍,好似對廣州好好奇。
「點解廣州d人都唔似廣東人既?」
「點解廣州d人唔係講廣東話既?」
「點解綠燈都仲有車行黎行去既?」
「咁多摩托車喺度兜客既?」
我:「呢度係中國,符合國情呀。」
我同Ivy上咗的士,我先醒起我買咗張電話卡俾Ivy,即刻喺銀包度拎出黎。
我:「Ivy,買咗張上網電話卡俾你,翻墻咖。」
Ivy:「仲叫Ivy?
![](http://forum12.hkgolden.com/faces/wink.gif)
我:「媚媚 幫你換埋卡先啦。頭先火車度掛住訓覺唔記得咗。」
Ivy:「唔使啦,你用啦。」
我:「你唔係鐘意上高登咩?」
媚媚:「車,上高登都係得啖笑,你都係我隔離,你氹我啦。」
我:「講乜好呀?」
媚媚:「上次話裝冷氣,咁你有冇搵返呀milk?」
(冷氣故:幫個客裝冷氣裝到上床,師傅負責上,我負責睇水
我:「佢嬲勁咗我,偷睇佢fb,得知佢都有男朋友喇。」
媚媚:「我睇故個陣真係笑咗,你竟然唔xyz佢
![](http://forum12.hkgolden.com/faces/369.gif)
我:「原來你真係我fans黎
![](http://forum12.hkgolden.com/faces/sosad.gif)
媚媚:「你每一個故每一個post我都追咖,咁個個二世祖坐咗監未?」
我:「唔知啦,我已經遺忘咗佢」
媚媚:「究竟你個腦係咩構造咖,你同佢對白好好笑呀」
我:「多謝支持」
的士司機:「先生,黃埔魚珠總站,行邊條路入?」
導航都唔使check,對於廣州,曾經我係何其熟悉。
我:「黃埔大道東,蟹山路。」
的士司機:「ok。」
黃埔,遠離市中心既煩囂,算係廣州一個好安寧既區,記得細個成日行黃埔內既公園,同搭車去中山醫院睇眼。
![](http://forum12.hkgolden.com/faces/wink.gif)
搭咗半粒鐘的士,終於到咗魚珠小村,我爺爺 我嫲嫲,就起係度等我。
佢地見到我,笑到眼都合埋咁。
爺爺:「雅輝!」
嫲嫲:「雅輝!」
而我急不可待向佢地介紹我女朋友,媚媚。
爺爺嫲嫲見到我,笑到見牙唔見眼,再望望我隔離既媚媚,佢地開心到眼角都好似擠出眼水咁。
媚媚見我雙手攤開,即刻拖住我,令我心跳咗一下。
「BB,你對手好暖啵。」媚媚細細聲喺我耳邊講。
「見到你緊張呀。阿影后,唔好穿煲呀,俾d心機,我睇好你拎金像獎。」
只見媚媚臉頰即紅,鬆手拍打我後背,而走在前既爺爺嫲嫲不停回頭看我地,笑得不知幾開心。
亦係我第一次見人開心,可以開心到咁,連我都俾兩老既開心感染埋。
廣州黃埔區,絕對算唔上係繁榮,不過有別於市中心既人多車多,黃埔更加似係風景區,因為花花草草樹樹特別多,公園特別多,絕對係一個好有意境既地段。
單單係我落車行返去屋企個段路,已經靚過我係香港見到既全部野,連媚媚都不時驚訝,問呢朵係咩花,個枝咩草。
終於回到家了,同我細個住既時候一樣,係翻新咗,同將陽台間成房。
而阿婆即刻拖住我同薑薑入房間。
嫲嫲即刻從床底拎出個保險箱,翻咗一陣.
然後嫲嫲開始捉住媚媚既手
「女仔點可以野戴下,我俾塊玉戴戴」
我一聽到係玉,當堂忍住唔笑,心諗,咁老土,家下邊個女仔會戴呀
嫲嫲果真拎出個玉鐲,而媚媚笑住話好
然後我同媚媚就住喺個間房,嫲嫲主動去陽台個間碌架床訓,雖然香港去廣州唔算十分遠,但都搞咗3粒鐘先到黃埔住所,嫲嫲叫我地訓一陣,陣間十二點先食午飯。
期間,媚媚執到我張卡,問我係咩黎。
我話內地有個團體遊戲叫狼人殺,係真人咁玩,上次我大陸表弟黎香港教我玩,見張卡幾得意咪拎咗當書籤:smile_30:
媚媚:「送俾我ok,好得意。同埋狼人殺點玩?」
我:「要人多先玩到咖,er,得閒先話你聽。」
媚媚:「好:loveliness: 」
睇住媚媚對住卡愛不釋手咁,於是我就偷拍佢呵呵。
我走去鎖門,然後喺床中間擺枕頭,用d被子隔開。
我:「媚媚,你訓入面啦,er,我訓出面。」
媚媚:「好:loveliness: 」
我:「多謝你。」
與此同時,媚媚訓係隔離,不停郁黎郁去,似打探我喺度做咩。
我:「做咩郁黎郁去呀? 」
媚媚:「你都陪我傾計,好悶呀 」
雖然中間隔住枕頭同被子,但我稍微起起身望就望到佢,發現到佢冇com被,露出既雙腿美麗而又修長,真係一剎那想用手摸下
媚媚:「你係度望乜呀? 」
我:「望你對腳。 」
媚媚:「又話正人君子黎既?呃人咖? 」
我:「咁見到靚既風景,望下啫,最多陣間買個眼罩,訓覺就戴住。 」
媚媚:「其實你有d似我以前男朋友 」
我:「竟然有咁既事?乜原來係肥毒x呀 」
媚媚:「咁佢識打扮下既,同你一樣黑框眼鏡,斯斯文文咁。 」
我:「唔怪得你肯 做 我女朋友啦。原來係親切 」
媚媚:「咁你好笑過佢好多,又識寫故寫詩。加上同你又啱傾。 」
我:「咁萬一戲假情真點算 。」
媚媚:「唔會啦 」
呢個時候媚媚突然推開阻隔我地既枕頭同被子,瞪大了水汪汪既眼睛望住我
恕我冇乜經驗,見到女仔望住自己眼睛不敢直視,只能尷尬把眼神飄開
媚媚:「你仲有冇搵返淑香?」(故事半生緣入面既女仔)
我:「聽講佢做咗政府官員,過得幾好
![](http://forum12.hkgolden.com/faces/biggrin.gif)
媚媚: 「咁就好,佢係一個好女仔黎」
休息咗一陣,門外傳來敲門聲,叫我出去食飯
而我亦主動拖起佢個手,一齊行出客廳食飯。
爺爺嫲嫲見到我地拖住手出去,都笑笑口,猛吩咐我地坐好,食飯啦。
檯上已經鋪滿各式各樣既小菜,正如我黎之前交待,我同媚媚係食素既,肉既佢地食就ok,留2碟素俾我就ok
估唔到我爺爺整到好多小菜,涼拌馬鈴薯,蔥蒸金針菇,紅蘿蔔炒木耳,馬蹄絲炒冬菇……而佢地就飲湯,同一碟咸菜豬大腸,釀豆腐……
我:「嘩,你地夠唔夠食呀,全部素咁濟 」
嫲嫲(客家話):「我地都好少食肉。」
爺爺:「多菜少肉」
我和媚媚相望而笑,係覺得幸福既笑。
一餐飯,難免要出現問問答答,尤其係我爺爺,不停問我,我地幾時識,點樣認識,返緊咩工,住邊等等
嘩,估唔到八十歲既老人家,講起野龍精虎猛,牙尖嘴利,點睇都唔似係做過好多次手術既糖尿病病人
見到我有女朋友,我諗佢地真係心都定曬,尤其我爺爺嗎,再無咄咄逼人既霸氣,由老虎變成貓仔咁溫柔
到媚媚食個一碗飯已經話飽,全家人開始追佢生bb咁催促咁食多d,太瘦唔好呀咁
只見媚媚都好聽大人話,夾硬食多半碗,以致我都忍唔住笑佢
我:「嘩,食咁多,唔驚肥呀?」
媚媚:「落街運動下 」
我:「樓下好多人。」
媚媚:「唔係呀,樓下街道好少人咋嘛。」
我:「你咁靚女,d人仲唔撲出黎睇你,睇熱鬧呀睇靚女呀!我地魚珠黎咗個仙女」
本來得我地笑,爺爺嫲嫲見到我地笑,都一齊笑起來,全家人哈哈哈哈咁渡過一次午餐時間。
執檯既時候,我梗係搶快收碗。
但我呢個要求就俾阿姨拒絕咗,佢笑笑口咁叫我坐係度就得,或者陪下女朋友,洗碗真係唔使幫手。
「媚媚,落街行下?」我輕輕摸摸媚媚既頭髮。
「好呀。」
珠小區真係一個好悠閒既地方,落街就大把街行,望下各式各樣既植物,樹插埋馬路邊邊,四周圍都係植物,呼一啖氣都清新過人。
無時無刻,媚媚都係笑住咁,佢既笑係好自然既,唔係夾硬擠出黎,尤其係同我傾計,只要我變下聲調,配合下肢體語言,媚媚就會笑得好開心。
走在花草林立的大道,心情極靚。
我:「呀影后,你d戲幾好wor,我爺爺嫲嫲不知幾開心
![](http://forum12.hkgolden.com/faces/wink.gif)
媚媚:「梗係啦
![](http://forum12.hkgolden.com/faces/biggrin.gif)
我:「諾貝爾文學獎都拎埋喇」
媚媚:「返到香港,你會唔會寫我地既故事
![](http://forum12.hkgolden.com/faces/biggrin.gif)
我:「梗係會啦,我仲要拎金像獎最佳編劇咖
![](http://forum12.hkgolden.com/faces/flowerface.gif)
我地去蟹山公園睇花
![](http://forum12.hkgolden.com/faces/bouncer.gif)
![](http://forum12.hkgolden.com/faces/bouncer.gif)
![](http://forum12.hkgolden.com/faces/bouncer.gif)
媚媚真係唔似港女咁,乜都影一餐,然後up圖上fb ig呃likes
我問佢點解如此美景都唔影
佢話唔鐘意影相。
花花世界,點到我忍手唔影,不過我不嬲走懶清高既路線,於是我影低呢副
上沉香
![](http://forum12.hkgolden.com/faces/love.gif)
![](http://forum12.hkgolden.com/faces/tongue.gif)
![](http://forum12.hkgolden.com/faces/tongue.gif)
「媚媚! 」
「嗯?」
趁佢轉頭一刻,我即刻手快影低佢,只見佢笑得更燦爛,絲毫冇俾我既突襲嚇親
![](http://forum12.hkgolden.com/faces/smile.gif)
![](http://forum12.hkgolden.com/faces/smile.gif)
![](http://forum12.hkgolden.com/faces/smile.gif)
「不如,我地就喺度,創造第一張我同你既合照?各自部手機set做wallpaper?做戲做全套」
「好,不過你揸鏡頭呀
![](http://forum12.hkgolden.com/faces/wink.gif)
「借你頂帽俾我戴啦
![](http://forum12.hkgolden.com/faces/biggrin.gif)
「
![](http://forum12.hkgolden.com/faces/tongue.gif)
……
鈴聲響起,才知道家裡打黎,原來我地已經出黎行咗三粒鐘,流連忘返。
魚珠街道四周圍都種滿各式各樣植物,令人眼花繚亂,成個大氧吧咁,生活喺度人都長命d,點似得香港,地方細人口密度高,四周圍都係人同車,仲有d樓
![](http://forum12.hkgolden.com/faces/sosad.gif)
講真,喺呢d地方溝女,隨手一摘已經係花,仲使乜買
![](http://forum12.hkgolden.com/faces/love.gif)
我:「僅以鄙花,表達我心意。
![](http://forum12.hkgolden.com/faces/hehe.gif)
![](http://forum12.hkgolden.com/faces/hehe.gif)
媚媚:「小女子先行謝過大官人。
![](http://forum12.hkgolden.com/faces/biggrin.gif)
我:「有冇人同你講過你配合度好高,無論我訓喺度定擒出馬路你都覺得我好笑
![](http://forum12.hkgolden.com/faces/tongue.gif)
媚媚:「咁有冇人同你講過你真係好搞笑,同單純?
![](http://forum12.hkgolden.com/faces/wink.gif)
我:「都唔少咖,不過你配合度最高,識著你我真係好happy wor
![](http://forum12.hkgolden.com/faces/hehe.gif)
媚:「me too
![](http://forum12.hkgolden.com/faces/wink.gif)
![](http://forum12.hkgolden.com/faces/wink.gif)
個幾日都係陪爺爺嫲嫲散步,我地日日搭車出去公園玩
在外就睇盡靚景,返到屋企就食盡好野
我會陪下爺爺捉象棋,當然,爺爺會捉我入房間傾計。
爺爺:「我見你同你女朋友感情幾好,咁你地有冇諗過結婚大事?」
我:「呀林伯伯,認識咗半年都未有,就結婚呀,起碼三五七年啦
![](http://forum12.hkgolden.com/faces/sosad.gif)
爺爺:「我驚我同你嫲嫲等唔到呢杯孫新抱茶」
我:「點會呀,你老當益壯呀,睇你既精神狀態,起碼撐到103歲。」
爺爺:「我一生人做得最錯既事情,而係耽誤你隻眼既治療。」
我:「唔好咁講啦,冇人想……鬼叫我自己發現得遲,點解呢個世界一半清楚,另一半係模糊。」
爺爺:「爺爺冇乜野望,但求你快d成家立業。我地,甚至你爹地媽咪,都唔可以陪你一世,照顧你一世」
我:「唔好擔心我地啦,你地好好休養,我一得閒就黎探你地
![](http://forum12.hkgolden.com/faces/biggrin.gif)
爺爺:「好
![](http://forum12.hkgolden.com/faces/biggrin.gif)
我:「以前深圳返廣州好似冇咁方便」
今朝有酒今朝醉,出去睇下嫲嫲整乜俾我地食先,我嫲嫲文化水平唔高,勝在一張巧手。
嫲嫲已經準備好多野比我地食。
芋餅(其實客家話翻譯應該係咁),釀餅,蘿蔔丸,當然,另一邊廂,我爺爺都自製魚丸,釀豆腐
以下圖係食緊個陣影既
而媚媚係度做緊乜?幫手整野lor,好乖
![](http://forum12.hkgolden.com/faces/biggrin.gif)
![](http://forum12.hkgolden.com/faces/biggrin.gif)
![](http://forum12.hkgolden.com/faces/biggrin.gif)
仲要不停問我佢叻唔叻女