「手天使的愛情」幫人洩慾,竟愛上盲女。: 66;永芹屋企人逼婚。
命運既野就係,我唔急個陣,其他人會急,唔係講緊我屋企人,而係永芹屋企人。
第二朝我去佢地屋企個陣,趁永芹仲喺樓上梳洗,世伯就捉我傾計。
世伯:「雅輝,你覺得我地永芹點
![](http://forum12.hkgolden.com/faces/smile.gif)
我:「好好呀。」
世伯:「咁你有冇諗過成家立室呢樣野
![](http://forum12.hkgolden.com/faces/smile.gif)
嘩,比起俾人問有冇私樓有冇車揸更加大挑戰
![](http://forum12.hkgolden.com/faces/sosad.gif)
![](http://forum12.hkgolden.com/faces/sosad.gif)
![](http://forum12.hkgolden.com/faces/sosad.gif)
我:「有諗過既。」
世伯:「雅輝,你係乖仔黎,我地永芹好鐘意你,如果你地要結婚,我地全家人百分百支持
![](http://forum12.hkgolden.com/faces/biggrin.gif)
我:「多謝先
![](http://forum12.hkgolden.com/faces/wink.gif)
![](http://forum12.hkgolden.com/faces/wink.gif)
世伯:「你唔鐘意永芹?」
我:「我鐘意呀。」
世伯:「咁就得啦,點會言之尚早,傾得黎差唔多
![](http://forum12.hkgolden.com/faces/wink.gif)
伯母:「係呀,我地永芹成日話想見到你,既然係咁,不如你地早日拉埋天窗,住埋一齊啦
![](http://forum12.hkgolden.com/faces/smile.gif)
我:「好多謝你地咁信任我。」
世伯:「幾時約你地爹地媽咪出黎食餐飯?」
我作為一個象棋有d功底既人,都未試過遇到咁急既棋路,一時間好難反應,俾人打到亂。前兩次見面都冇咁急咖,忽然講到婚姻大事
![](http://forum12.hkgolden.com/faces/sosad.gif)
諗深一層,又好似明白佢地用意。如果男方家長都反對,倒不如早d結束好過,冇結果既野真係冇必要細水長流
![](http://forum12.hkgolden.com/faces/sosad.gif)
我:「我遲d覆你地啦」
仆街輪到我腦交戰啦
![](http://forum12.hkgolden.com/faces/sosad.gif)
![](http://forum12.hkgolden.com/faces/sosad.gif)
![](http://forum12.hkgolden.com/faces/sosad.gif)
喂,我條女睇唔到野,但我地真心相愛,我會好好照顧佢咖,你地唔好擔心。
咁講呀?
我爺爺九成九成副身家拎黎買兇斬開我十幾碌都似
古代黎講,拖過手,錫過咀,男方就要認頭,認女方為終身伴侶,永芹,我認咖,只不過發展得太快,有d吃不消,家陣有d新郎哥焗住上花轎咁款
![](http://forum12.hkgolden.com/faces/sosad.gif)
我阿爺就算唔搵人斬死我,佢都好易激死。開明派諸如我爹地媽咪都未必接受到我鐘意既女仔會係一個自理能力都無既女仔。
22歲,人生點都要勇武派一次,定係繼續做鵪鶉拖得就拖?好亂呀。
原本帶永芹去科學園玩,係一件開心既事情,家陣因為呢d事情搞到我個人好亂。
問朋友,朋友肯定笑鳩我
上高登問巴絲,我諗感動到人既,但多數都會笑鳩我。
我唔想結婚住,但我又唔想失去永芹。
因為佢同我咁投契,又唔會嫌棄我,緣份令我遇上佢,一定係best choice。我諗我搵唔返咁好既女仔。
睇唔到野,唔係我同佢之間既距離,只不過係永芹同呢個世界既距離。
但時間推進到永芹家長要我俾一個答覆同約家長,我都要諗一個好既劇本,等屋企人容易消化。
屌,冇得上網問功課真係好頹
![](http://forum12.hkgolden.com/faces/banghead.gif)
![](http://forum12.hkgolden.com/faces/banghead.gif)
![](http://forum12.hkgolden.com/faces/banghead.gif)
![](http://forum12.hkgolden.com/faces/banghead.gif)
永芹:「雅輝,做咩今日咁少出聲既
![](http://forum12.hkgolden.com/faces/wink.gif)
我:「冇呀,諗緊俾咩surprise你咋嘛
![](http://forum12.hkgolden.com/faces/wink.gif)
永芹:「我唔使surprise呀,有你陪我咪得。」
我:「如果呢個世界得返你同我就好,簡簡單單
![](http://forum12.hkgolden.com/faces/wink.gif)
![](http://forum12.hkgolden.com/faces/wink.gif)
永芹:「你係咪有心事呀
![](http://forum12.hkgolden.com/faces/wink.gif)
我:「你爹地同我講婚姻大事……」
永芹:「下……」
我:「永芹,我唔係唔鐘意你,只不過係,我都未準備好……咁快」
永芹:「咁我爹地又真係,講笑啫
![](http://forum12.hkgolden.com/faces/sosad.gif)
![](http://forum12.hkgolden.com/faces/smile.gif)
我:「永芹,最緊要你唔好嬲我,我唔係玩玩下咖,我對你係認真。」
永芹:「知啦,傻豬。你屋企人都未必接受到我啦
![](http://forum12.hkgolden.com/faces/wink.gif)
永芹心水清,估到我煩緊既野。
我:「我會努力同佢地解釋咖啦。」
永芹:「家陣咪幾好
![](http://forum12.hkgolden.com/faces/flowerface.gif)
![](http://forum12.hkgolden.com/faces/flowerface.gif)
我見電視劇入面好興女主角講完d明白事理既說話,男主角就攬住佢,於是我就攬住永芹。
永芹:「哈哈,又攬人呀?」
我:「你好攬呀嘛
![](http://forum12.hkgolden.com/faces/wink.gif)
永芹:「如果你屋企人唔接受我,你仲會唔會搵我?」
我:「咁就私奔啦不如
![](http://forum12.hkgolden.com/faces/biggrin.gif)
![](http://forum12.hkgolden.com/faces/biggrin.gif)
![](http://forum12.hkgolden.com/faces/biggrin.gif)
永芹:「咁激?」
我:「入贅你屋企,嫁俾你,住你個個5人足球場咁大既愛巢,我ok咖
![](http://forum12.hkgolden.com/faces/smile.gif)
永芹:「住唔緊要,房租點計先。」
我:「你想點計都得,錢就冇,鬼靈精怪林雅輝就有一個,乜都識
![](http://forum12.hkgolden.com/faces/biggrin.gif)
永芹:「係wor,你今日未唱歌俾我聽。」
我:「All About You」
我:
「
聽過幾過 愛有過風波
再友好的最尾會變生疏
這個跟她說過一生 最尾偏偏錯過
那個跟他愛過 到最尾竟出了錯
碰過幾多 愛有過險阻
我愛過的多數最終都會傷我
而自遇見你 惡夢就變美
IT'S ALL ABOUT YOU
I'M IN LOVE WITH YOU
我眼中分分秒秒也有你
我每次想起 已滿心歡喜
你我之間都有過太多趣味
IT'S ALL ABOUT YOU
我的心機 何時悲 何時喜 也因你
IT'S ALL ABOUT YOU
傷的心 始終會怕又再錯摸
有了你在遇著淚流仍然容易過
(暖透我心的經過) 你最清楚」
https://www.youtube.com/watch?v=B7BGm1uwHg0
科學園之遊過後,令我明白到 22歲仔,終於要做一次男人既大事,就係同屋企人鋪陳,慢慢道出我愛上永芹,一個睇唔到野既女仔。趁晚上食飯,我突然爆speed搶話題開topic
我: 「你地信唔信緣份呢樣野?」
屋企人對我既問題咁多詫異,冇啦啦問呢d
![](http://forum12.hkgolden.com/faces/sosad.gif)
爹地: 「你拍拖啦終於?」
媽咪: 「真咖?」
我: 「見埋家長啦,佢地屋企不知幾鐘意我。」
爹地: 「咁你幾時帶佢返黎俾我地look look?」
我: 「你地係咪撐我先?無論個個女仔係咪合你地眼緣。」
爺爺: 「拍拖就唔係兒兒戲戲,要視對方為終身伴侶黎考察。」
我: 「考察?ok,初步評分 心地好,情操100分。」
爹地: 「咁好?人地又會睇上你既?
![](http://forum12.hkgolden.com/faces/biggrin.gif)
![](http://forum12.hkgolden.com/faces/biggrin.gif)
媽咪: 「我地既仔好差咩,一表人才。」
嘩diu,一表人才都出埋黎
![](http://forum12.hkgolden.com/faces/sosad.gif)
![](http://forum12.hkgolden.com/faces/sosad.gif)
![](http://forum12.hkgolden.com/faces/sosad.gif)
![](http://forum12.hkgolden.com/faces/sosad.gif)
我: 「咁我都好多優點既,有女仔睇上我,好正路呀!」
嫲嫲: 「貪挨丟雅輝靚仔(客家話,貪我地雅輝靚仔。)」
爺爺: 「係肥咗d,減下就冇問題。」
爹地: 「咁你幾時帶佢返黎食下飯?」
我: 「遲d先啦。」
本身諗住博一博,故意講下永芹有身體缺憾,但諗諗下,都係淆底。食完飯收拾心情,打鋪FIFA再打俾永芹傾電話,然後早d休息,迎接明天返工既日子,唯一令我有少少心思思,係少少咋,Heidi冇再whatsapp我
![](http://forum12.hkgolden.com/faces/smile.gif)