「手天使的愛情」幫人洩慾，竟愛上盲女。: 65；與爺爺捉象棋。

咁我返到屋企，阿爺即刻撩我捉象棋，捉象棋黎講，我阿爺算係高手，獎拎唔少，佢係廣州黃埔仲有個朵，叫黃埔棋王

成個黃埔既阿叔阿伯都唔夠佢捉，通常要4-5人聯手先有機會捉和我阿爺，但我捉棋，毫無章法，勝在古靈精怪變幻多端，所以同我阿爺捉棋，我未至於處於絕對下風。

我：「點嘛，黃埔棋王，又黎搵我省港澳棋聖捉棋呀？

」

爺爺：「咩話，棋聖？捉過先知斤兩。」

我：「我諗我既最佳防守真係可以玩到你喊

雙炮擺士角位，雙馬留守後方，雙車自由活動。」

爺爺：「上次你都話咩喪攻中路，癲佬式拋磚引玉，結果俾我剝光豬。」

我：「上次係失誤啫。」

爺爺：「好，先黎仙人指路。」何為仙人指路，即係第一步行兵，推前一格。

我：「你有冇新意咖，次次都仙人指路

」

爺爺：「我要你一粒子都過唔到河。」

我：「話明最佳防守·，防守反擊，我咪由得你攻啦，馬體會捉法，一招攞你命」咪睇我地兩個口水多過茶，捉起棋上黎行軍速度好快。

正所謂高手過招，步步謹慎，我呢就不嬲都想挫我阿爺銳氣，奈何水平唔夠堅，10盤頂多贏到佢4盤，其餘6盤都要俾佢寸返轉頭。

爺爺：「冇啦，你今盤勢危。陣間大把野食。」

我：「唔好再故弄玄虛啦，啱啱開局又話勢危

」

爺爺：「不聽老人言，吃虧在眼前，將！」咪睇我阿爺年紀咁大，中氣十足，次次將軍都嗌出黎。

我：「林伯，定d黎呀，將軍毫無威脅咖咋，我當你敲門咋。」

爺爺：「敲門？破門而入啦。」

我：「你小心我偷襲你啦，我最叻玩偷襲

」果然，我又佈局陰鳩佢

爺爺：「想黎呢度？想下好啦，將。」

我：「你將軍我當棟篤笑咋

驚都未驚過。」

爺爺：「後生仔，醒神呀。」老江湖真係老江湖，談笑之間已經埋下殺著，想一鋪收我皮，咁我話曬都捉過10幾年棋，仲要拎過小學象棋冠軍，點都唔會食濕米既，我擋！

我：「林伯，長江後浪推前浪呀

將！」

爺爺：「大蛇終於出山啦？但大蛇就唔好扮龍喔

」

我：「我發覺你講野都幾寸咖wor，呀寸王，點呀家下，我將緊你軍，你命懸一線。」

爺爺：「莫道你在將緊人，人亦能反將你。

」黃埔棋王果然名不虛傳，三兩下手勢化解險情，轉守為攻。

兩盤象棋過後，1勝1負，我同爺爺都係各自牙擦一盤，而爺爺又開始捉我傾計。

爺爺：「呀輝，係時候考慮下成家立業呢個問題。」

我：「我立業咗啦

」

爺爺：「成家呢？」

我：「我22歲咋嘛，唔好咁緊張wor，20歲個陣你已經同我傾緊成家問題

」

爺爺：「呀輝，其實條件幾好咖，我都有好多朋友既孫女好標緻，不如介紹俾你識。」

我：「我林雅輝，大把貨

」

爺爺：「咁唔談（戀愛）？」

我：「家陣有個女仔好好，但我驚你地又唔鐘意啫。」

爺爺：「帶佢返黎俾我地過下眼

」

呢個時候，嫲嫲聽到有孫新抱下落啦，即刻走埋黎聽我講野

我：「十劃都只係有幾撇，時機未成熟呀。」

嫲嫲：「梗介隻妹仔靚冇？（客家話）」

我：「靚絕大埔

」

爺爺：「靚冇用！最緊要係心地要好，唔好貪玩唔定性。」

我：「個個女仔好好呀。」

嫲嫲：「梗你還等乜介？談啦。（客家話）」

我：「慢慢來，唔急（客家話）」

爺爺：「22歲可以談咖啦。」

我：「人地屋企好有錢咖，未必肯嫁我」

爺爺：「我地屋企都唔差，要樓有樓，要車有車，幾百萬存款肯定有。」

我：「得啦，知你地架勢堂，我識諗咖啦。」

爺爺：「係就最好。」

我跳制既性格，完全遺傳自我阿爺。阿爺都係時而嚴肅時而詼諧既人，琴日仲鬧緊我，今日又可以同我講笑。

我：「個女仔，叫于永芹

名係咪靚呢

」

爺爺：「永芹？」

我：「係，曹雪芹個芹

」

爺爺：「唔錯唔錯

」

嫲嫲：「幾時帶佢轉來廖下（客家話幾時帶佢返黎玩下。）」

我：「人地怕醜呀

有機會先啦

」

我心諗，帶佢返黎，第三次世界大戰肯定喺由廣福道爆發