「手天使的愛情」幫人洩慾,竟愛上盲女。: 59;永芹甜蜜救命。
原本已經收咗線,隔咗3分鐘,永芹竟然打返電話過黎。
永芹:「你係咪唔開心?」
.
我:「點會呢?我冇唔開心呀。」
永芹: 「你把聲唔似係感冒,似係喊過黎。」
我: 「傻豬黎,點會冇啦啦喊呀。」
永芹: 「驚你唔開心啫。冇事就好,早d休息啦。」
我: 「你都早d休息啦,唔好太掛住我……係呢,琴晚個個水蜜桃食咗未
![](http://forum12.hkgolden.com/faces/smile.gif)
永芹: 「未呀,都話唔捨得食。」
我: 「聽日叫工人切俾你食啦,最多我應承你,每次見你,都送你一個水蜜桃
![](http://forum12.hkgolden.com/faces/kiss.gif)
![](http://forum12.hkgolden.com/faces/wink.gif)
永芹: 「哈哈,水蜜桃哥哥,pink pink?」
我: 「我係來自火星既水蜜桃哥哥,bling bling
![](http://forum12.hkgolden.com/faces/tongue.gif)
永芹: 「係wor,你聽日幾時黎?」
我: 「陪完屋企人飲茶,11點就黎
![](http://forum12.hkgolden.com/faces/biggrin.gif)
![](http://forum12.hkgolden.com/faces/biggrin.gif)
永芹: 「好
![](http://forum12.hkgolden.com/faces/wink.gif)
我: 「byebye啦我希望夢見你。」
永芹: 「我都希望夢見你,byebye la」
.
我: 「byebye啦芹芹BB」
永芹: 「雅輝bb byebye」
我: 「我都同你都唔捨得收線,bye到幾時
![](http://forum12.hkgolden.com/faces/wink.gif)
![](http://forum12.hkgolden.com/faces/wink.gif)
永芹: 「你收線先啦。」
我: 「我 愛 你(細細聲)」
永芹: 「咩話。」
然後我突然收線,再極速打返俾永芹。
永芹: 「做乜突然收線」
我: 「又係你話收線。」
永芹: 「同你講個句咩黎。」
我: 「又係你話收線。」
永芹:「我係話,你臨收線前個一句細細聲既說話,係咩?」
我:「恭喜發財」
永芹:「一定唔係。」
我:「我話,我愛你呀,于永芹,bye得未啫」
永芹:「算你啦,byebye 啦。」
我:「唔呀(模仿飛吻既聲音)」
永芹:「唔呀」
收線後,我重新進入負能量mode,人前我成日嘻嘻哈哈,其實我都識唔開心,但冇人會知道我唔開心。我一唔開心就會睇下人地Status,搵返個d曾經算鐘意過既女仔今status睇。
蔡兒(未曾見面,擅長畫畫,qooza度認識,記得佢呃我話佢係91年實則佢係96年,認識5年,keep住傾計):
「故事平淡,勝在有你在旁。」icon係佢同佢男朋友幸福咁攬埋一齊。
思思(見過幾次,德望名校女生,曖昧過,不過佢天生林黛玉性格成日疑神疑鬼,過咗美國讀書,已經冇聯繫。):
「Love me for me。」icon係佢同鬼佬既合照,笑得好開心。
敏敏(高登開post陪傾心事既女仔,銅鑼灣某中學,家境唔錯,同佢曖昧過,成日出黎睇書,後來因為我成日on99咁叫佢唔好夜蒲而嬲咗佢,佢多次搵返我,我都因為同樣理由最後唔理佢):
「誰承諾過願陪我日後每天」icon係佢落club既自拍。
媚(高登認識既絲打,港澳混血兒,投資有道從未返過工,我同佢曖昧過,後來因為佢小事而冇聯絡):
「」icon係依舊空白,無論我轉幾多個電話number都睇唔到佢icon有相。
薛寶兒(中學同學,即係我第一個親自煮野食,帶午餐返學校同佢一齊食既女仔,後尾佢同同班二世祖拍拖,我同佢至今都會聯絡,我諗我以前係因為佢個名靚而鐘意佢)
「有你既每一天都係幸福美滿。」Icon係佢同男朋友既合照,而個個二世祖一早成為歷史塵埃。
而我唔覺意,掃到永芹個電話號碼都有whatsapp
icon係佢同屋企人既合照,目測似幾年前,永芹仲有少少baby fat,笑得好開心咁望住前方。
我心諗,whatsapp好似係2011年已經有,永芹仲用到whatsapp既
![](http://forum12.hkgolden.com/faces/oh.gif)
而status既字寫住
「但願我愛我既人唔好擔心我。」
唔知點解,張圖,段字,再一次將我整喊
喺床上陸續典黎典去,思緒凌亂,訓唔著,而我既房間陸續有三個人入黎探訪我,喂,唔係鬼故黎。
第一個係我嫲嫲
嫲嫲:「老頭子Head 奸,挨 diu 輝 輝 乖呀,吳哀撈(客家話)」(老野係咁,我地輝輝乖呀,唔好嬲。)
第二個係我媽咪。
媽咪:「阿仔,爺爺都係為你好,點都好,唔好嬲佢。」
第三個係我爹地。
爹地:「阿爺係咁,你就順下佢意啦,住幾日啫,佢都成日鬧我咖啦,鬧我開五金鋪做乜鳩,梗係開金行啦
![](http://forum12.hkgolden.com/faces/sosad.gif)
有呢三位入黎warm 一warm我,我心情從谷底彈返黎山頂中間,雖然遠遠不及雲端,但已經覺得好好。
係
林雅輝,唔應該咁灰,林雅輝,應該係要開開心心咖嘛
![](http://forum12.hkgolden.com/faces/agree.gif)
只是,心中仲有一團疑問,好想知道永芹點解會咁
![](http://forum12.hkgolden.com/faces/frown.gif)