「手天使的愛情」幫人洩慾，竟愛上盲女。: 56；同永芹海邊吹風。

海風輕輕吹過，周邊行過既人太多，而我同永芹沉醉於我地既世界。

我：「好唔好味呀？如果唔好味我就返去跪玻璃 」

永芹：「好味呀，點會唔好味？」

果然，永芹既胃口好好，食咗一碗粥，仲想再食，而其他菜佢都食咗唔少。

我：「我家永芹今日胃口好好wor 」



永芹：「第一次食孖蛋粥，好香好好味 d牛肉好滑，炸皮蛋又香 你都食d啦，咪掛住餵我。」

我：「得啦，我埋尾，食你口水尾，聽曬你既話 」

永芹：「多謝你為我花既心思」

我：「多咩謝，食多d 」

永芹：「食飽啦，再食變肥妹咖啦。」



我：「可唔可以摸下你肚仔？ 想知道你係咪真正飽 」

永芹：「嗯 」

於是我伸手去摸，果然手感幾好，女仔既肚仔幾好摸見到永芹秀髮忍唔住又摸下，真係好似藝術品咁，成個人點解可以咁得意，咁美麗，令人愛不釋手


我：「永芹，家陣個天空就紅卜卜，同你塊面差唔多，好靚 」

永芹：「係咩？你摸到我好痕呀 」



我：「我想知呢，你平時用係咪用香水，點解你咁香既。」

永芹：「冇呀，冇用香水。 」

我：「你好香，好吸引 」

永芹：「你成日都讃到人心花怒放既 」

我：「咁你係靚呀嘛 係啦，送個禮物俾你，你揸住黎聞。」我將水蜜桃遞到永芹既手上，而我開始食野。

永芹：「好香，水蜜桃 」

我：「鐘唔鐘意？陣間切俾你食 」



永芹：「唔捨得食呀，你送俾我咖 」

我：「食咗落去，咪永遠得到我既情意 」

永芹：「唔制，我唔食呀，俾我揸住啦 」

我：「好。但你有冇諗過水蜜桃唔食會壞咖，你都唔可以keep成世。」

永芹：「嗯……咁起碼俾我帶返屋企先。臨訓前聞一聞」

我：「我送俾你既畫有冇袋喺身？」

永芹：「梗係有啦，喺銀包度，我拎俾你睇。」

我：「唔使拎啦，我知道啦 陣間我準備咗一個節目送俾你 」



永芹：「咩黎？」


我：「孭你行返落去大埔 」

永芹：「嘻，參考邊部電影既橋段 」

我：「屬於你同我既電影 」


我：「我食完啦，我地可以慢慢行返落去 」

永芹：「好。但係點解要孭我既？」



我：「er……因為我想試下，琴晚諗到既靈感，咪試下 」

永芹：「我驚你攰咋。」

我：「唔會呀，你咁細粒 」

當然，我唔會同佢講，其實我想證明俾自己睇，我鐘意一個人，係可以照顧到對方，唔係得把口，家陣練定耐心，好緊要

成世仔都係得呢一次戀愛。我唔想嘥咗佢，難得遇到一個我鐘意既女仔，佢唔會介意我，我願意為佢行多一步。

或者有人覺得我好傻，但人既一生能夠遇到一個女仔同自己夾到，我唔認為佢睇唔到野係好大件事。

講一百句我愛你，都不及我親手整野俾芹芹食，親自帶佢四周圍行，親自孭佢落山。成世人都冇乜野成就，希望芹芹就係我最大既成就，因為見到佢笑，我覺得比我右眼好返，更加值得開心。




我： 「芹芹，準備啦，趴上我背脊，攬住我膊頭 」我踎低身，帶佢爬上黎我背脊。

然後我小心翼翼托起佢。



我： 「雅芹號，出發 」

芹芹： 「你覺得攰記得放我落黎 」

我：「有你喺我身邊，我就唔會攰，我係超人黎 」

我同永芹身貼身，我感受到既唔係佢既重量，而係甜蜜。


但願可以一齊走過高山低谷。


于永芹，我愛你

永芹：「攰未呢？」

我：「點會呀 」

永芹：「我聽到有人喘息啵:」

我：「邊個？你叫佢出黎呀 」

永芹：「佢係一個男仔黎，人稱廣福道小王子個個呢 」

我：「廣福道小王子好明顯講緊係我 」

永芹：「放我落黎啦，小王子 」

我：「放你落黎，就冇咁浪漫wor，不如咁呀，你喺我膊頭大大力咬一啖，咁我身上就有你留低既烙印，代表我係你既人，咁樣聽落係咪好浪漫 」

永芹：「哈哈，邊有人叫人咬佢膊頭咖 邊度浪漫啫。」

我：「說話唔係咁講呀，以後寫劇本寫埋呢一part，好緊要咖，女性觀眾最鐘意睇呢d 」

永芹：「放我落黎啦，傻輝輝 」

我：「咬未？唔咬就唔放，咬咗就即刻放。」

於是永芹輕輕喺我膊頭咬咗一啖，我當堂甜到漏，慢慢放永芹落黎。

我：「我地行返出去都幾遠咖，驚唔驚攰？」

永芹：「唔驚，但你要拖住我手行 」

我：「呢個訴求好大膽，不過我鐘意 行啦我地。 」

天色縱使已經黑曬，但我地依舊手拖手行落山，足足行咗個半鐘。


永芹：「黎我屋企坐下？;」

我：「星期六先啦，送到你門口我就走啦 」 我同永芹上咗架的士。

永芹：「做咩唔坐下？」

我：「Me，Today，攰攰地，I wanna sleep 」

永芹：「車，你今日仲未講故俾我聽呀，廣州個個。」

我：「所以咪要早d返係，沖乾淨個身子，再為我家永芹講故事 」

永芹：「沖涼同講故事有咩關聯？」

我：「臭臭呀，費事隔住個電話你聞到我臭臭 」

永芹：「嘻，咁就乖啦。」

而到永芹屋企，我同佢道別後，拿拿臨上返的士。

的士阿哥：「咦，住康樂園wor，你女朋友？」

我：「我話係我媽咪，你信唔信？呵呵 」

的士阿哥：「哈哈，家陣去邊度？」

我：「大埔道，oh，sorry，係廣福道。」

的士阿哥：「綠的去唔到大埔道咖 」

我：「我發覺都幾好笑，紅的可以全港打橫行，綠的只能夠喺新界兜 」

的士阿哥：「我地呢d草蜢，唔可以跳過海咖嘛。」

我：「草蜢？你唱歌咖？」

的士阿哥：「綠的呀，花名係草蜢呀嘛。」

我：「仲以為你識條森巴舞添。」

的士阿哥：「唔識。」

我：「其實你地一個月搵幾多錢咖？好唔好做？」

的士阿哥：「一日咪700蚊左右」

我：「夜晚會唔會好難兜客？」

的士阿哥：「日頭係多短途，夜晚多長途，其實條數差唔到 不過自從有gogovan等等，我地已經好惡佬，我諗住遲d做返地盤算 」

我：「原來的士咁惡撈 」.

的士阿哥：「d客麻撚煩，成日覺得我地搵佢笨，叫佢教埋我地行佢地又教唔到，指明點行然後遇上塞車又怪我地，乜撚柒都可以鬧一餐，我心諗，袋得個700幾一日，倒不如做保安仲舒服 」

我：「我撐你你呀，轉行吧啦 香港消費者不嬲都多仆街，唔好得過大陸人。不過算啦，做得服務業，真係預咗要俾人千夫所指，人地打開個Facebook已經可以做判官 阿哥，唔使講咁多，我撐你呀。」


落車後我又同司機阿哥拎咗卡片，雖然我都唔會搵佢，但係我認為禮貌上拎張卡片，等個司機阿哥覺得自己係有人緣，起碼佢會因為同我傾計而開心，咁我都覺得自己做咗好事，畢竟揸的士好悶咖，周不時遇到d衰客，佢地真係有苦自己知。

返到屋企，沖完涼，屋企冇人，我即刻唔著衫四周圍行，有時候見到自己條撚咁細，就會有一種愛之深責之切既心情，用手打下佢，點知打打下就扯咗旗，正當我想打個靚飛機之際，電話就響起。

我：「喂，點撚樣 」

Jim：「聽晚踢波呀仆街，今晚唔好打飛機啦，早d訓。」

我：「有冇九兩菜呀？你咁樣同我廣福道恩沙基講野？」

Jim：「聽晚約咗對手，女經理人都會黎。」

我；「 你唔係號稱廣福道舒夫真高咩？你一個扭十個都啦 同埋電話費好貴，下次可否低調d，whatsapp俾我咪得lor，打電話黎阻住我同其他少女盡訴心中情。」

Jim：「 哈哈。柒頭輝，邊有女仔會打俾你呀 」

我：「廢話少講，聽日俾你地見識下我恩沙基既蠱惑走位 只要隊友能夠派出蠱惑傳送，或者同我蠱惑撞墻，我就入到波 」

Jim：「聽講你上場空龍都炒高wor。 」

我：「誤會，一場誤會，其實係咁既，個日大風，我都冇掂到球波，佢已經被吹高，原則上同本人無關，我意思係無論入定唔入。」

Jim：「聽晚7-9，摩士公園。」

我：「你有冇聽過街場英超式飛鏟入波？ 」

不出我所料，Jim已經收咗線


而我醒起我仲未打俾永芹，於是打俾佢，再喺電話個度同講埋「廣州情色錄」既2章故事。

永芹：「開始講咸濕野啦！ 」

我：「咁個劇情係講按摩呀嘛 」

永芹：「唔好咸野劇情，幫我skip曬佢，我只要聽梁拆同月兒既純愛故事。」

我：「佢地都有個d愛wor 唔係純愛」

永芹：「飛咗個d劇情，黎啦，輝輝，講多兩章啦。」

於是我又耐心地喺電話度講多兩章故事。

永芹：「雲水一定好鐘意梁拆 」

我：「叻女 」

永芹：「嗯，我想講呢，多謝你今日為我花既心思同每晚都陪我傾電話，講故仔俾我聽。 」

我：「得啦，肉麻野唔使講咁多，我幾時可以嫁俾你？i am ready 」

永芹：「哈哈，嫁俾我咪委屈你lor，傻輝輝。」

我：「點會呀，能夠住入康樂園，我日日俾你騎牛牛都得 」

永芹：「我唔要騎牛牛，我要攬攬 」

我：「好，我食飯攬住你，出街攬住你，上網攬住你，連去廁所都攬住你。 」

永芹：「好衰咖你，去廁所就要擺我喺門口啦，洗完手再攬。」

我：「得得得，不如我地以一首Good Time作為晚安曲 」

永芹：「好呀。」




Woah-oh-oh-oh
It's always a good time
Woah-oh-oh-oh
It's always a good time

Woke up on the right side of the bed
What's up with this prince song inside my head?
Hands up if you're down to get down tonight
Cause it's always a good time

Slept in all my clothes like I didn't care
Hopped into a cab, take me anywhere
I'm in if you're down to get down tonight
Cause it's always a good time
Good morning and good night
I'll wake up at twilight
It's gonna be alright
We don't even have to try
It's always a good time

Woah-oh-oh-oh Woah-oh- oh-oh
It's always a good time
Woah-oh-oh-oh Woah-oh-oh -oh
We don't even have to try , it's always a good time.

Freaked out, dropped my phone in the pool again
C hecked out of my room, hit the ATM
Le t's hang out if you're down to get down tonight
'Ca use it's always a good time

Good morning and good night
I'll wake up at twilight
It's gonna be alright

We don't even have to try
It's always a good time.

Woah-oh-oh-oh Woah-oh-oh-oh
It's always a good time
Woah-oh-oh-oh Woah-oh-oh-oh
We don't even have to try, it's always a good time.

Woah-oh-oh-oh Woah-oh-oh-oh
It's always a good time
Woah-oh-oh-oh Woah-oh-oh-oh
We don't even have to try, it's always a good time.

Doesn't matter when
It's always a good time then
Doesn't matter where
It's always a good time there

Doesn't matter when,
It's always a good time then

It's always a good time
Woah-oh-oh-oh Woah-oh-oh-oh
It's always a good time
Woah-oh-oh-oh Woah-oh-oh-oh
We don't even have to try, it's always a good time

Woah-oh-oh-oh Woah-oh-oh-oh
It's always a good time
Woah-oh-oh-oh Woah-oh-oh-oh
We don't even have to try, it's always a good time.


」


https://www.youtube.com/watch?v=H7HmzwI67ec


唱完歌，永芹先肯收線，而我即刻打返幾盤FIFA，然後訓覺