「手天使的愛情」幫人洩慾,竟愛上盲女。: 55;第三次約會永芹。
再睇下煲好既孖蛋粥,唔使落任何調味,顏色好似黑豆漿,我用壺裝住粥,再用飯盒裝好d餸,見到屋企有水蜜桃,順手拎多2個擺落袋度。再極速沖涼,刷牙,洗面,然後興致勃勃出門。
落到樓下,見到隔離賣野既婆婆又坐喺度。
我:「婆婆,開檔啦?呢個禮拜都唔見你既
![](http://forum12.hkgolden.com/faces/wink.gif)
![](http://forum12.hkgolden.com/faces/wink.gif)
婆婆:「唔舒服要住院呀
![](http://forum12.hkgolden.com/faces/wink.gif)
![](http://forum12.hkgolden.com/faces/wink.gif)
我:「好掛住你d花
![](http://forum12.hkgolden.com/faces/wink.gif)
我從來都冇認真問過係咩花,白色既,細細朵,拎黎聞係好香,我諗如果婆婆唔賣,應該搵唔返。次次婆婆都話唔使20蚊,我都冇理佢,拎完花就走
![](http://forum12.hkgolden.com/faces/smile.gif)
![](http://forum12.hkgolden.com/faces/wink.gif)
![](http://forum12.hkgolden.com/faces/wink.gif)
好快截到架的士,一上車已經聽到阿叔喺度聽緊跑馬。
我:「康樂園呀唔該。」
的士阿叔:「好。」
我:「阿哥,賭馬呀?今日掂唔掂呀?」
的士阿叔:「唔掂啦,佢滷味,莫雷拉今日食咗屎咁,熱門都炒4場。」
我:「買波好過買馬呀,d馬仔賠率成日變。」
的士阿叔:「冇計啦,d大戶成日玩野,熱門就更熱,冷門都可以突然變得冇肉食。」
我:「屌佢老母,搵笨柒既,有次我買50倍既獨贏,馬仔入閘後得返17倍,結果仲要贏唔到,個分半鐘都玩死我啦,贏到都唔見咗幾十倍……輸咗就更加谷氣。」
的士阿叔:「好多造馬既。」
我:「但點解明知道造馬都咁多人買?」
的士阿叔:「賭馬唔一定係因為賭癮,更多係因為娛樂,玩下啫,好似我地揸的士咁,冇收音機陪下,冇馬仔玩下,好悶咖。你估真係日日博贏大錢咩。輸少當贏呀細佬。」
我:「梗又係呀,打工仔冇乜娛樂,返工放工,休息就喺屋企訓下覺。」
的士阿叔:「家陣我地揸的士都惡撈,人地又有勁達又有Gogo Van,分薄曬d客。」
我:「阿哥,唔使講咁多,我撐你地,我成日搭的士咖
![](http://forum12.hkgolden.com/faces/smile.gif)
的士阿叔:「網上d人成日話我地態度好差,其實邊度係咁,根本好多客都好麻煩
![](http://forum12.hkgolden.com/faces/sosad.gif)
我:「咪係lor,根本有d人使少少錢就惡到死,扮上皇帝咁,我明既
![](http://forum12.hkgolden.com/faces/wink.gif)
的士阿叔:「細佬,多d好似你咁善解人意既客就好
![](http://forum12.hkgolden.com/faces/wink.gif)
網上d人成日話的士佬幾咁仆街幾咁惡死,我又唔認為係咁。至少我搭過咁多次的士,遇到既司機都係冇乜野。記得有一次我約咗人喺將軍澳踢波,我喺太子收工遲 咗,臨急臨忙見到個司機聽喺路邊刨馬經,我友善咁問佢可唔可以去將軍澳,我好急。司機大佬擺明係唔想去,但係我冇黑佢面,我仲講句多謝,叫佢刨馬喇我再搵 第二架。點知個司機大佬突然又話算啦,車埋我,於是我就上咗車,雖然佢都唔識去,但係我地互相check手機地圖既情況下,佢都係車到我去球場附近,仲叮 囑我應該點行,落車後我特登唔使佢找錢。
我認為,以禮相待,好緊要,就算佢係一個仆街,見到我咁友善,都可能俾我軟化佢既鐵石心腸,更何況唔係個個都咁仆街,只要我夠友善,的士佬都有好多好人。
最記得有一次,我要去青衣嘉民倉務搵我表哥,青衣地鐵站門口有的士,我上咗車個的士大佬話唔識路呀點算好,我話你即管兜啦,以你聰明才智一定掂,結果埋單46蚊(如果冇兜錯路就20蚊),個司機大佬仲話只收我20蚊,我夾硬塞咗50蚊俾佢,然後笑住離開。
人好多時候抵得諗,世界就會好美好,咪成日覺得俾人搵笨就dup心口,寬容d,其實的士佬都係打份工,何必冤冤相報?
人地話好人有好報,結果有幾次的士佬都幫返我轉頭,我試過凌晨5點打比相熟既的士佬,佢唔順路都走黎兜我一程。
對人寬容d,的士佬又唔係大奸大惡,冇需要全程聲討既,根本部分乘客既態度仲惡劣過的士佬。
未做過服務性行業真係唔好輕易話人態度差,根本好多消費者態度好差好鳩屎,唔可以完全怪曬的士佬態度差。如果呢個社會多d包容,同關愛,就唔會搞到冤冤相報。臨到康樂園我同的士阿叔仲開起玩笑添。
的士阿叔:「細佬,住康樂園呀?」
我:「我女朋友住個度,遲d我做埋姑爺仔咖啦,發過豬頭。」
的士阿叔:「咁你以後call的士搵我wor
![](http://forum12.hkgolden.com/faces/biggrin.gif)
我:「到時我請你做我私人司機啦,俾張卡片黎,搵你呀
![](http://forum12.hkgolden.com/faces/biggrin.gif)
的士阿叔:「你係先好講呀,細佬。」
我:「得啦,唔使講咁多,有你有我,啱唔啱先。」
到咗康樂園,同阿叔講聲等埋我陣間去大尾篤,然後行入去康樂園。
不遠處,芹芹同外傭已經企喺度等,外傭喺芹芹耳邊講我到咗,芹芹即刻歡笑,而我加快腳步行過去。
我:「永芹,我黎啦
![](http://forum12.hkgolden.com/faces/good.gif)
永芹:「嗯。
![](http://forum12.hkgolden.com/faces/flowerface.gif)
我:「你今日著裙好靚wor,仲有可愛小頭巾
![](http://forum12.hkgolden.com/faces/biggrin.gif)
![](http://forum12.hkgolden.com/faces/biggrin.gif)
永芹:「我送俾你既頭巾仔,你有冇隨身帶呀
![](http://forum12.hkgolden.com/faces/smile.gif)
我:「綁咗喺手臂上」我即刻捉住芹芹既手摸下我手臂上打結既頭巾。
永芹:「咁咪好怪lor,男仔掛粉紅色頭巾
![](http://forum12.hkgolden.com/faces/sosad.gif)
我:「點會呀,你送咖wor
![](http://forum12.hkgolden.com/faces/wink.gif)
![](http://forum12.hkgolden.com/faces/wink.gif)
扶住永芹上到的士,的士阿叔一開始都有d錯愕,我諗佢冇諗過我女朋友係睇唔到野,不過佢好快都笑笑口同永芹打招呼。
我:「你會唔會對花有敏感?鼻?
![](http://forum12.hkgolden.com/faces/flowerface.gif)
永芹:「應該冇。」
於是我將買黎既白花遞到永芹鼻哥前,俾佢問花瓣淡淡既清香。
我:「係咪好好feel呢
![](http://forum12.hkgolden.com/faces/biggrin.gif)
永芹:「係呀,花黎?咩花?」
我:「我都唔知呀,一直冇問,你可以叫佢咗,雅芹之花
![](http://forum12.hkgolden.com/faces/flowerface.gif)
永芹:「哈哈,真係好香
![](http://forum12.hkgolden.com/faces/smile.gif)
我:「黎,你揸住佢,得閒就聞下。」
永芹:「但係會唔會好快冇味咖?」
我:「唔會,你鐘意既,我買俾你,我袋入面仲有3朵,係我同擺地攤既婆婆買咖)
![](http://forum12.hkgolden.com/faces/biggrin.gif)
永芹:「好。 」
的士阿叔:「細佬,大尾篤好大咖wor,你地要去邊度。」
我:「唔知係咪叫碼頭個邊,總之靠海個度,擺低我地就得。 」
就係咁,我地到左大尾篤,海邊,恰逢太陽準備落山,夕陽無限好,我就同永芹坐喺度石頭邊食野。
我:「我整咗孖蛋粥,番茄炒蛋,菜心牛肉,炸皮蛋炒粟米片
![](http://forum12.hkgolden.com/faces/biggrin.gif)
![](http://forum12.hkgolden.com/faces/biggrin.gif)
永芹:「炸皮蛋粟米片?聽落好得意咁wor」
我:「係呀,用黎送粥都得,d粥本身有皮蛋味,炸皮蛋又有口感
![](http://forum12.hkgolden.com/faces/agree.gif)