「手天使的愛情」幫人洩慾，竟愛上盲女。: 23；衰on9入醫院。

我真係冇諗過屋企人知道我係手天使會點，估唔到夢境同我預演一次，俾到我既啟示就係：

一：死都唔好同屋企人坦誠自己既職業。
二：如果有記者採訪我我應該爆粗屌佢。

呢一日，係我呢一年過得最灰鳩既一日。爹地媽咪晨早返咗大陸，而我一個孤零零喺屋企訓覺，乜都唔想做，星期六，連屙屎都遇上困難。

「啊！」

肛門就唔打開，唔俾糞便出黎，無論我喺廁所踎幾耐，都屙唔到屎，但個肚越黎越痛。



真係黑仔到呀 隨住時間一秒一秒咁過，話咁快已經黎到夜晚，終日都仲惦記住屙唔屙到屎胃口都冇埋，訓下，起身，去廁所，敗退，再返去訓。

但係聽日就係星期日，我約咗阿芹出黎，無論如何我都唔可以再係咁，於是我一個飛的去咗急症室 d屎谷曬喺屎眼度真係好辛苦，好似俾森林四黑鬼一齊爆肛咁 塞到滿一滿，去到急症室都仲要等多三粒鐘，我差d係爬住入醫生房。

女醫生：「你邊度唔舒服？ 」仆街黑口黑面，縱使姿色唔錯，但俾人感覺呢個醫生係姨媽到。

我：「屙唔出屎，肚好痛。 」

女醫生：「哦，咁你訓上床，除褲。」我聽完真係嚇咗一跳，原諒我真係極少睇醫生，我唔知女醫生都咁open。



我：「但你係女仔wor。」

女醫生：「有乜問題？」

我：「我係男仔wor，我點可以……除褲呀，不如叫個男醫生幫幫我。」

女醫生：「咁你等等啦。」佢竟然怒啤我 再走去搵人幫拖。




而我就乖乖地訓上床除褲，有個男醫生就唔知拎咩儀器喺我屎眼度挖挖挖，佢話幫我挖走d屎，然後佢就話要注射什麼液體落肛門度，叫我忍住10分鐘唔好屙，否則就要再通多一次。

我第一次菊花俾人爆，佢的確射咗好多液體入黎，涼浸浸


當佢放下支野後，我就慢慢起身坐低，個個女醫生叫我出去等，總之10分鐘內無論肚幾痛，都唔好屙住，10分鐘之後先好屙。


都唔住射咗d咩液體落我屎眼度，肚更加痛，於是未到10分鐘我已經衝入廁所，褲都除唔切


啪一聲，成地屎，而且成條褲都係屎。 係我有史以黎第一次見到自己屙咗個地球儀出黎論體積真係成個地球儀咁大


我望住堆屎，我望唔透我如何全身而退，雖然我醒目地帶咗條短褲，但出面都陸續有人，我一出去俾人見到我瀨到成地屎，一定比人影相擺上高登，我唔先唔要做呢d紅人 於是我捏住鼻哥，先換咗條褲先，然後不斷拎廁紙執返d屎，足足清咗半粒鐘，想清曬



點解可以黑仔到咁


不過屙到屎，成個人都輕鬆曬，呢種感覺真係一流，感覺到世界好美好，好想大唱一聲：「唱這歌　光榮歲月　由我掌舵」



夜晚十點，唔知芹訓咗未，而我一拎出電話，見到有3個未接來電，其中2個就係芹芹打黎，一次係夜晚八點，一次係夜晚九點45分，我係諗，一定喺約我聽日時間 而啱啱呢個時段內，我正經歷緊我人生一大恥辱。 未截到的士我已經即刻打俾芹芹。

我：「芹芹 」

芹芹：「你去咗邊黎？打咗2次俾你，都係 嘟嘟嘟嘟嘟嘟嘟嘟 你已經接駁到……」

我：「我聽日就去台度申請鈴聲，保證唔會要你聽到 嘟嘟嘟嘟嘟嘟，兼我會親自錄音，唔會俾你再聽到 你已經接駁到。 」



芹芹：「仲以為你唔記得聽日咩日子。 」

我：「聽日咩日子黎？我生日？」

芹芹：「你話我帶我出去海邊行下呀! 」

我：「我梗係記得啦 」

芹芹：「哦，係咩？ 咁幾點去？」

我：「 你係咪有人揸車黎廣福道，或者我去你樓下等你。」

芹芹：「康樂園，你識唔識黎？」



我：「個名好熟，我會Google下。聽朝早上十點，我黎你屋企樓下？」

芹芹：「好呀，聽日見啦，雅輝。 」

我：「你早d訓喇，聽日等我啦。」