「手天使的愛情」幫人洩慾，竟愛上盲女。: 6；溫馨的屋企人。

收工唔捨得走，特登行返去辦公室睇下Tiffany走咗未，估唔到最早返工係佢，五點幾全世界收工，佢都仲坐喺度玩手機。

「Halo Tiffany，仲未走？

」我特登偷望下佢係玩乜，原來係玩whatsapp

「未呀，等緊的士。」Tiffany微笑地望住我

「你住邊？」

「太子。」

「搭地鐵15分鐘都唔駛啵。

」

「我唔可以搭地鐵咖

人多既地方我都唔方便去逼。」雖然Tiffany冇講明點解，我諗我都估到少少，應該同佢既腳有關，殘聯會，入得黎做，我諗先天/後天都有d缺陷，正如我右眼咁，從小三開始已經發覺個世界得一半清楚，另一半就係模糊，後來被診斷為係弱視，已經耽誤咗治療既時間

「咁我走先啦，聽日見。」

「阿輝！今日係咪好唔慣呀？」

「少少啦，我諗返多一排就會習慣。」

「咁就好。驚你resign咋

之前試過有人返完第一日，之後第二日就潛水冇再返過。」

「咁我又未至於咁脆弱既

都唔會咁冇交帶

」

「信我，只要頂得過試用期，你會愛上呢份工！福利好到你唔信。」第一次見到Tiffany好似sales咁講野，好似sell我留低咁。

「其實我入得黎做，我都大致知道殘聯會係咩機構，好似我地呢d人，入到殘聯會已經係最好既保證，我唔會輕易放棄既。」

「你識咁諗就好

」Tiffany滿意地點點頭。

「咁我走先啦

」

「聽日見。」

殘聯會呢個名，我聽我阿爺講過，佢話佢大陸有個朋友，有個仔，天生兩隻眼都弱視，但自從加入咗殘聯會，有d口才有d組織能力，家下撈到風生水起每個月幾皮野，大把女仔反而追返佢添。

殘聯會，或者就係我等殘疾人既出路，由細到大我都盡量隱瞞單眼睇世界既痛苦，為咗唔令屋企人擔心，我從未喺佢地面前講過我既難出，其實一到夜晚熄曬燈，我起身成日都會撞到頭，要好小心好小心咁行，右眼其實同盲咗冇分別。呢個世界得返一半係清楚，有時候諗起都會心酸，因為視力倚重喺左眼，如果左眼都因為近視同其他問題而睇唔清楚，咁我就真係等同盲咗。

但慘既野，你成日諗住，人就會更加慘，於是我選擇樂觀面對，做人，最緊要係樂天

可能係因為太耐冇返工，等巴士個陣忽然覺得攰攰地，挨住巴士路線板好似想訓著咁，而腦入面諗緊返到屋企點解釋。如何將幫人地打飛機，包裝成係一份好有前途既工作？

無論係解釋俾老豆老母聽，定朋友聽，我都唔想同人地講我來自殘聯會。

越係殘疾，其實都唔想人地覺得自己殘疾，我地都想呢個社會可以當我係正常人咁看待，而唔係聽到人地叫我「單眼佬」

我睇既野方式其實好奇怪，如果架巴士由我右邊走過，我要向右咁擰轉個頭咁睇，咁我先可以睇得清楚，比起某d人可以一隻眼打機，一隻眼做其他野，我就比較困難。

上到巴士我即刻訓覺

只不過腦海中對於俾阿叔顏射既畫面揮之不盡，我盡量安慰自己，個阿叔其實好慘，又盲又坐輪椅又疑似係啞，我其實都係做緊善事，俾人顏射一次冇相干。

訓下，諗下，巴士已經到站，而我一返到屋企，老豆老母即刻喺廚房走出黎，笑笑口詢問我今日返工既情況。

爹地：「呀仔，今日返成點？慣唔慣？

」

媽咪：「係lol，今日新哥上任，同事仔有冇同你傾計呀？

」

我：「幾好呀。」

爹地：「其實你份工係做咩咖，你都未同我地講。

」

我：「哦，搞清潔既，其實係一種新穎既清潔模式，令到社會可持續發展咁更好地排放污穢物，我呢就負責執行既，咁呢，總之就好專業啦，呢份工好有前途好有意義，掂呀。」

媽咪：「下，清潔，即係掃地佬？

」

我：「唔係，我係負責指揮，間唔中要落手落腳……其實我地公司係搞研究產品既，好有前途咖。」

爹地：「哦，聽落好似好架勢咁wor。」

我：「梗係啦，我今次標到靚既尾會，呢份工掂呀！

」

爹地：「如果唔掂，就返黎幫我地手啦，我地件五金鋪靠你發揚光大咖

」

我：「到時我地兩仔爺拍硬檔，壟斷埋香港既五金市場，再集資上市，分拆，再上市

」

爹地：「食飯啦，到時先傾啦，分拆上市，今日我炒咗一碟薑蔥辣蟹俾你嘆下，諗定點分拆好過啦。」

果然，我一返工，d菜色開始靚到冇朋友，又蟹又白倉魚，又有機豆苗，又花膠湯

親生仔既專利

其實我地屋企係六合彩既忠實fans，每到六合彩攪珠日就話一日up 2個號碼去買，成日都傾中咗獎去邊度威。

我：「黎，報number，今晚5000萬等緊你地。」

爹地：「今日賣咗7塊防火膠，就7號啦。」

媽咪：「琴日打麻雀摸到清一色對對胡，1號。」

我：「我就揀16同28啦，你地一人補多一個。」

爹地：「43。」

媽咪：「30。」

我：「搞掂。5000萬中咗，我分2000萬，其餘3000萬你地兩公婆分。

」

爹地：「點解你多d？」

我：「喂大佬，我網上投注，要登入密碼又要揀number，好複雜咖，梗係我多d啦。

」

媽咪：「中咗先講啦

上期全炒

」

我：「聽日book定機票去瑞士滑雪。」

爹地：「咁我買層樓黎收收租。

」

媽咪：「照我話，阿仔要結婚娶老婆先，生個孫俾我地湊。」

我：「我要娶鬼婆。」

一聽到我話要娶鬼婆，爹地媽咪你眼望我眼，似乎達成共識要反對me

媽咪：「鬼婆唔好呀……講野聽唔明……同埋唔好生養。」

我：「生個混血B好wor」

爹地：「香港BB好。」

媽咪：「係呀，香港BB好，夠曬精靈。」

我：「OK，不過你地介唔介意借住幾千蚊黎先，我想買部PS4。」

爹地：「遊戲機？」

我：「係呀。」

爹地：「上次咪買咗lol」

我：「PS3黎，家陣潮流興PS4呀，我要打FIFA。」

爹地：「錢呢家野，你問財政大臣啦。」爹地望住媽咪，媽咪就詐詐地地

我：「媽咪呀，我要買PS4呀。」

媽咪：「你成年都未交家用啦，仲問我地拎錢。