「手天使的愛情」幫人洩慾，竟愛上盲女。: 5；林小姐叫Tiffany。

點知下晝就有另外一個女人黎到，我當堂雞手鴨腳，因為我根本連個女性生殖器官都未玩過，點招呼個個女人。情急之下，我諗住扮肚痛走人啦，呢個時候，另外一個男仔入咗黎，我先知道，呢個女人唔識我服侍，而我能夠做既就係出去行下，留返佢地兩個獨處。

「輝仔，你去邊？」上晝推阿叔輪椅既個個阿姨問我。

「唔係冇人黎咩，諗住落去行下。」

「每一次入面做緊野而你係門外，你就要等入面既出黎，然後入返去清理現場。」

「ok，原來係咁。」





無無聊買下波，打下機，坐喺樓梯口消磨時間。

話說打飛機都幾分鐘，幫女仔自慰又到底係點呢，睇黎我要請教下師兄

好不容易等到入面開門，個位師兄已經九秒九走人，而阿姨就負責帶咗入面個個盲女。

而我，就要清理地板上既污糟野，同擺好野，最後再用消毒水清乾淨現場。




咁先完成第一天工作，挨到五點幾

收工唔捨得走，特登行返去辦公室睇下Tiffany走咗未，估唔到最早返工係佢，五點幾全世界收工，佢都仲坐喺度玩手機。

「Halo Tiffany，仲未走？ 」我特登偷望下佢係玩乜，原來係玩whatsapp

「未呀，等緊的士。」Tiffany微笑地望住我

「你住邊？」



「太子。」

「搭地鐵15分鐘都唔駛啵。 」

「我唔可以搭地鐵咖 人多既地方我都唔方便去逼。」雖然Tiffany冇講明點解，我諗我都估到少少，應該同佢既腳有關，殘聯會，入得黎做，我諗先天/後天都有d缺陷，正如我右眼咁，從小三開始已經發覺個世界得一半清楚，另一半就係模糊，後來被診斷為係弱視，已經耽誤咗治療既時間

「咁我走先啦，聽日見。」

「阿輝！今日係咪好唔慣呀？」

「少少啦，我諗返多一排就會習慣。」

「咁就好。驚你resign咋 之前試過有人返完第一日，之後第二日就潛水冇再返過。」



「咁我又未至於咁脆弱既 都唔會咁冇交帶 」

「信我，只要頂得過試用期，你會愛上呢份工！福利好到你唔信。」第一次見到Tiffany好似sales咁講野，好似sell我留低咁。

「其實我入得黎做，我都大致知道殘聯會係咩機構，好似我地呢d人，入到殘聯會已經係最好既保證，我唔會輕易放棄既。」

「你識咁諗就好 」Tiffany滿意地點點頭。

「咁我走先啦 」

「聽日見。」


殘聯會呢個名，我聽我阿爺講過，佢話佢大陸有個朋友，有個仔，天生兩隻眼都弱視，但自從加入咗殘聯會，有d口才有d組織能力，家下撈到風生水起每個月幾皮野，大把女仔反而追返佢添。



殘聯會，或者就係我等殘疾人既出路，由細到大我都盡量隱瞞單眼睇世界既痛苦，為咗唔令屋企人擔心，我從未喺佢地面前講過我既難出，其實一到夜晚熄 曬燈，我起身成日都會撞到頭，要好小心好小心咁行，右眼其實同盲咗冇分別。呢個世界得返一半係清楚，有時候諗起都會心酸，因為視力倚重喺左眼，如果左眼都 因為近視同其他問題而睇唔清楚，咁我就真係等同盲咗。


但慘既野，你成日諗住，人就會更加慘，於是我選擇樂觀面對，做人，最緊要係樂天