《屍寂九龍》─ 無法治癒嘅病毒喺香港爆發四小時後， 一群生還者合作逃出生天: 血路 上
「呃哼哼哼哼哼哼───」
喪屍穿著警察服， 雙眼甩凹陷凹曬入去， 頭上嘅警帽著緊火， 已經燒左小半佢個頭。 佢行路一拐一拐， 轉到入黎穿我哋身後巷仔嘅入口， 口中不斷發出一聲聲吼叫。
我企喺小巷嘅中央， 默默凝視喪屍， 睇黎喪屍只係無意識般行走， 並唔係發現我哋而追黎。 我拉停海晴， 向佢示意身後嘅喪屍。 海晴轉過頭， 呢個時候喪屍只係無意識撞向巷仔一邊嘅牆， 海晴企喺我嘅身旁， 臉上終於有少少掩飾不住嘅倦容， 但係佢臉孔依然漂亮動人。 然後佢見無危險就繼續向出口方向行。
我仰頭望著左右兩邊高聳的樓房， 默然不語。 我哋之間僵硬嘅氣氛令我感覺到好唔自然， 我再唔可能隨意向海晴傾計。 加上剛才見到喪屍喺身後出現， 精神上嘅壓力令我感覺到身體開始變得沉重。
呢場追逐逃跑嘅遊戲並唔輕鬆，由始至終我哋都扮演住獵物嘅角色， 從不倒換。
每個人時時刻刻都要提防著不知會喺邊度出現嘅喪屍， 雖然整個過程中我哋只係真正殺過一次喪屍， 而且都只係被包圍一次， 但係時刻處於緊張狀態中令到我同海晴嘅體力迅速消耗。 擋下咗岩岩襲擊海晴嘅喪屍之後， 我嘅精神現出明顯疲態， 感覺體力都消耗咗大半， 無人知道下一次我仲能唔能夠再擋住喪屍。
兩邊嘅高樓令巷仔入面猶如夜色一般， 此刻身旁嘅樓房就如一個黑壓壓嘅龐然巨獸， 似乎隨時都會倒下， 將我哋壓成肉醬。
已經喺這座地獄般嘅城市中行咗整整一日。
疲倦就如同暗綠嘅爬藤， 悄然爬上我心頭， 枝節蔓延伸展， 遍佈內心每個角落。 我初次感覺到， 停低休息唔再似一開始個種吸引人， 同疲累相比， 生命所受到嘅威脅更加實際。 之前喺喪屍口入面逃走雖然困難重重， 離碼頭每拉近一百米嘅距離都係一次勝利， 一次離我哋目標更接近嘅勝利。 但他一直是有恃無恐的， 可能其他人會畏懼喪屍爆發後嘅生活， 但係我唔會， 因為我已經有生存目標， 我知道邊到仲喺安全嘅地方。 或許喪屍嘅威脅遠遠超過普通人嘅生存能力， 但至少擁有受過訓練嘅警察在旁嘅我哋， 仍然有資本去逃離九龍。
依加警署就近在咫尺， 呢座龐大城市裡面似乎到處充斥著喪屍氣息， 亦都絲毫無準備離開的跡象， 然而……
當我仰起頭， 睇到高樓天台上面走過一個人影， 動搖咗我最後一點勇氣。
「海晴！ 快！ 我哋離開呢到！ 上面有喪屍！」
我嘅聲線有啲沙啞細聲。 到咗依加體力耗盡、 意志都將行崩潰嘅時候， 他終於開始後悔無利用安全嘅宿舍去休息返一晚。 用於逃走嘅能量係如此微不足道， 只需要稍稍休息幾個小時就能夠完全恢復。 但係一日落黎，根本就無充分休息嘅時間和機會。 即使剛才我哋喺宿舍有訓過一陣， 然而喪屍所表現出黎嘅瘋癲， 無人夠膽進入深層睡眠， 在身後喪屍嘅陰影籠罩下， 同伴都變得完全不可靠。 依加每一分體力同能量， 都顯得如此嘅珍貴。
我再忍受唔住。巷仔前方放咗幾袋垃圾， 伴隨著廢土。 到處都係大塊嘅水泥、 橫生嘅鋼筋， 喺陰影中顯得格外猙獰。
隱藏喺暗處嘅人如同一隻最狡猾嘅狼， 耐心咁等待著獵物筋疲力盡嘅一刻。 毫無疑問，身受重傷嘅我應該比一直想陷害我哋嘅人先倒下， 當追蹤遊戲玩到最後， 率先支持不住嘅一定喺我同海晴！
我回頭再望向著火喪屍。 喪屍無處不在。 呢個喺我呢一刻嘅想法。
可能我再過一分鐘就會訓低， 就會放棄， 但係呢個可能， 再無機會出現。
我猛然停住腳步， 轉頭， 然後見到兩米外揚起一陣塵埃！
距離我同海晴唔到兩米嘅地方， 天台上面突然滾咗一枝搭棚用竹落黎，一塊塊指尖大小嘅混凝土碎塊。
「嘭嘭嘭嘭────」
喺這個瞬間， 我嘅精神晉入到一種極為緊張、 亦都極為平靜的狀態， 我抬起頭， 幾乎喺睇著頭上一枝枝分散跌落黎嘅棚竹， 喺空氣入面若有若無咁旋轉著， 然後消失喺我視野嘅上方。
「呯────」
後腦帶黎劇痛， 我意識好快遠去。
────────────────────────
「起身啦喂！ 唔好訓呀！」 海晴不斷拍我搖我， 終於我慢慢醒咗。
我無諗到， 自己仲能夠再次睜開雙眼。 當我意識嘅浮現時， 立刻就感受到全身雜亂無章嘅疼痛， 比以往收傷嘅痛楚增加咗成萬倍， 而我腦海除左痛， 就只有麻痺。 唔知道暈咗幾耐後， 我總算記得起自己係邊個， 係到做緊乜。 我完全無時間嘅概念， 全身只有左腳感到不繼嘅脈搏跳動， 不停無意識震動，我對左小腿已經完全失去嘅控制， 甚至喪失咗同其它組織協調嘅能力。
我想望向左腳， 但背上壓起無數嘅棚竹， 完全郁唔到到。
「吼啊啊啊啊啊啊啊啊───！ ！」
遠處巷仔嘅入口有數隻喪屍身影經過， 突然看到頭上著火嘅喪屍正轉向走入巷仔， 雖然距離暫時仲遠， 但我心中一慌， 立刻出盡力想推開棚竹。 同時我焦急咁望向四周，努力咁想搵海晴嘅位置。
頭著火嘅喪屍一拐一拐， 右腳似乎斷咗， 行得好慢好慢！
「喂！ 醒下呀！ 起身啦喂！」 海晴嘅聲音再次傳黎， 我先記起岩岩我本能反應抱住海晴， 用我背脊保護佢被竹撞倒。
「你有無事呀？」 海晴嘅聲音好顫抖， 佢嘅面孔就喺我唔夠十厘米外， 身上傳黎佢嘅體溫同胸口嘅柔軟， 望住近在咫尺嘅海晴， 令我不咁呆咗一呆， 好想錫埋去。
海晴雙眼永遠係咁水亮動人， 佢雙眼水汪汪同雙眼通紅， 好似喊過黎。
「踏──踏──踏──踏──」
聽到聲音我馬上抬頭， 再次見到著火喪屍一拐一拐跑過黎！
「你出去先！」
我身體內忽然一陣空虛， 胸口中更湧上陣陣腥澀味道， 幾乎吸唔到氣。
好快我頂起竹， 搵到一個小身位比海晴爬出黎。 佢及時反應爬咗出黎。 好快我喺佢幫助下都爬到出黎。 我摸摸頭頂， 感覺一處濕潤嘅鮮血。
慢慢爬咗出黎後， 著火喪屍只離我哋十米左右。 我哋馬上行過堆竹， 極速跑向小巷出口。 我望向自己左腳傳黎劇痛嘅位置， 小腿中間腫起一個樓， 瘀黑嘅鮮血喺傷口默默流出黎， 但身後喪屍叫聲越黎越近， 我只可以強忍痛楚照跑。
終於穿過小巷， 眼前嘅街景逐漸廣闊。
我從未行過呢條路， 只有問頗為熟識此處嘅海晴， 海晴反應過黎好快就帶領我轉去左邊， 快步跑向警署。 戴亞街路段唔長， 放眼去唔到一百米已係盡頭， 但盡頭有一兩隻喪屍徘徊， 我趕快細聲同海晴講，
「唔好理我哋照跑去警署！」
海晴點點頭回應， 我哋二人馬上轉左跑， 個交通基地就喺呢條街嘅盡頭， 再轉一個左彎。
雖然貿貿然喺有喪屍嘅街上奔跑係極度不智嘅行為， 我哋都知道會引起更多喪屍嘅注意。 但此時此刻都無辦法， 只能希望到警署後我哋會安全。
海晴緊緊拖著我嘅手， 我只可以一邊留意四周嘅喪屍有無發現我哋同盡量避開佢哋， 一邊被佢拉住急步咁向前跑， 大概係發現我隻腳傷咗， 佢都無全速跑， 但仍然有少少紅腫嘅雙眼不斷周圍望。 好快我哋跑到盡頭， 我哋馬上轉左。 終於望見一道淺藍色鐵閘！ 離遠看到入面仲著住燈， 停車埸入面全無血跡， 好似咩事都無發生過， 睇落非常安全！
鐵閘離我哋大概都有二、三十米。 正當我想走過去鐵閘， 腳步岩岩提起時， 右邊傳黎惡夢般嘅叫聲...
「吼嗷嗷吼嗷嗷嗷嗷──！！」
而當我想走去鐵閘到， 海晴卻突然停低。 我聽到右邊傳黎連聲吼叫， 只見在右邊街尾出現一隻喪屍狗！ 此時正全速向我咃跑過黎 ！
「大獲！」 「呀！！」
我摸摸褲袋， 拎出入面嘅個把刀， 呢刻連行動都唔方便， 見到喪屍狗只會被咬死！ 「跑過去！ 我哋行！」 我拖走仲望緊身後嘅海晴， 突然又聽到後方海晴一聲驚呼， 我回頭見到之前喺巷仔跟黎十幾隻喪屍已經轉咗入我哋條街。
我嚇咗一跳， 仲未從喪屍狗突如其來嘅出現平伏落黎， 身後嘅喪屍已經追到黎！ 仲以為佢哋需要一段時間先會過到埋竹， 依加佢哋只係離我哋二十米左右！ 只見佢哋手腳都非常完整， 並無好似著火喪屍咁樣。 佢哋睇落根本與正常人類無分異。 只係皮膚蒼白帶有青筋同雙眼帶有血絲， 全身帶有傷口。
「吼啊啊啊啊啊啊啊啊啊啊啊啊────────！！！ ！！」
佢哋一見到我哋嘅身影馬上就吼叫起黎， 岩岩被喪屍狗出現嘅海晴聽到後嚇咗一跳，佢無留意到我哋身後嘅喪屍。 佢忍唔住細細聲尖叫了起來， 海晴回過神黎馬上帶我跑起上黎， 拖住我跑雖然跑得有啲慢， 但佢溫暖嘅手心始終無鬆開， 我甚至感覺到我手心開始有少少濕潤。
我大叫， 「跑過去！ 對門應該無鎖！」
好快我哋到咗鐵閘， 海晴用力一推， 但係門絲毫不動！
海晴急忙道， 「唔得呀道閘鎖住咗！」
海晴推極拉極都開唔到， 雙眼紅腫嘅佢心急到就黎喊。 我望向警署隔離有一道矮啲嘅公屋鐵閘， 呢一刻只可以入去先！
「無辦法， 你爬上去個邊先！ 再打開道閘比我入黎！ 之後再爬入去警署！ 快！」
海晴聽到馬上走去左邊嘅白色公屋鐵閘， 我跟上去烏低身弓起右腳同抬起膊頭比佢做台階， 比佢可以容易啲爬上去！
「我幫你頂住！ 快啲！」
「知啦！」
「吼啊啊啊啊啊啊啊啊啊啊啊───────！！ ！！」
「吼嗷嗷吼嗷嗷嗷嗷──！！」
我回頭一看， 右邊嘅喪屍狗仍然比較遠， 離我哋大概四十米距離。 好快我舉起刀， 我只能先幫海晴入去， 左腳受傷嘅我根本無可能爬到上去。 而街尾十幾隻喪屍正同時向我哋跑過黎， 可能唔至十幾隻！ 過左幾秒終於聽到身後鐵閘嘭一聲打開，
「開到啦快啲入黎啦！」