《屍寂九龍》─ 無法治癒嘅病毒喺香港爆發四小時後， 一群生還者合作逃出生天: 紅磡站

岩岩係九龍塘放工既我， 今日同樣照插住一邊耳筒一邊聽歌， 一邊同好多人一齊迫入去火車入邊。 其他乘客個個都企得好埋，好有默契咁自動行入D等其他人都可以上車。

 “請勿靠近車門。 請不要靠近車門。 Please stand back from the train doors. DooDoo—Doo—Doo-Doo—Doo--”

等左一陣，火車終於都開去紅磡，因為我住係黃埔新村，所以係九龍塘放工既我一向都係搭去紅磡再行落去返屋企。 因為近A出口既關係， 我通常都係近車尾個邊上車。 而依加因為太多人，我收埋個耳筒，諗住求其玩下電話等到站就算，反正由呢到返紅磡都係十幾分鍾姐。

「喂 ! 你撞左我多好多次啦喎 ! 」

聽到有人係另一邊車廂到大聲罵交，我都唔例外抬起頭望下到底發生咩事。 結果同我諗既一樣， 望到只係好多好多人玩緊電話， 完全睇唔到另一邊既情況。呢個時候火車岩岩到左旺角東， 車門打開同時亦有好多人湧入黎。 於是 其他乘客大部份亦都無理到發生咩事， 一邊推入D企，一邊繼續做自己野。 既然睇唔到我都無再為意， 繼續dup低頭玩電話。





「哇呀 —  ! ! ! ! ! ! ! 」

突然間又有一聲尖叫劃破單調既車廂， 再次聽到有人大聲嗌之後， 我立即望向尖叫聲個邊。 同上次一樣都係咩都睇唔到， 除左多左好多人都望向個邊， 試圖了解下到底個邊發生左咩事。 以我既過往既經驗， 個邊車廂可能有人唔小心撞到人又唔講sorry ， 搞到最尾打交收埸。 由於都係睇唔到咩事， 於是大家都再次開始繼續做返自己野。

但係今次一 dup低頭玩電話， 情況已經同上一次唔同。

係我對眼望住部電話既時候， 我感覺到突然好多人推黎我個邊， 我一邊收返個電話一邊望下又做咩事， 只係見到好多人都推住黎我個邊， 好似想行去車頭咁。 還掂都就黎到站啦，做咩事個個都想去車頭個到？ 落左車再行咪仲好？ 雖然我好多疑問， 但礙於大量人係到推，我都無得停係到，只有跟住比人推去車頭個邊。 同時亦都有乘客唔想行， 讓左幾次路終於有個中年呀叔出聲罵，

「搞咩呀， 咪再推啦， 都就到站啦， 咪再行得唔得呀」





而回應佢既， 係另一聲尖叫，同一個滿身鮮血既女人。
 
個一個女人出現係另一邊車廂既連接位， 滿身鮮血既佢睇落係一個岩岩放工既OL，佢一過到黎呢邊，好多人都即刻讓開一條路比佢。 OL女一面驚慌既表情，而膊頭明顯有更多既血滲緊出黎。 佢行多兩步已經頂唔順， 就咁大字型扒左係一張櫈上面訓低左。 全車人係呢個時候都落入一篇寂靜， 大部份人都被呢一個女人既出現嚇呆左， 當然亦都有人立即報警。
 
「喂 9 9 9 ？ 呢到係去紅磡既火車， 有個女人受左傷呀， 快D派人黎幫手呀！」

「快！ 快D走！」

係佢岩岩報完警既呢一刻， 車廂另一邊再次有一股騷動發生。





車廂另一邊有一大班人跑緊過黎， 無錯係一大班衝過黎！  湧過黎既人群令我都被人推向車尾個一邊， 而被人推緊既同時， 我見到衝過黎既人群後面有一個著住西裝既男人，一個似喪屍既人，話係似因為佢同印象中既喪屍好相似。 個個男人成面青筋，張牙舞爪一般，面色蒼白同埋對眼好紅，佢一行到過黎呢邊即刻左望右望， 好似痴左線咁！

男人雙眼通紅，鼻血一度流出黎，佢一行到黎呢邊車廂，整個車卡頓時散發住陣陣惡臭。 同一時間， 有個年輕人無視騷動既人群，就咁行埋去OL女士身邊，伸出雙手扶住佢坐返低，

「我地先扶起佢， 等一到站就送佢出去醫院啦， 搵兩個人過黎幫幫手好冇？ 」

年輕人岩岩講完， 已經有幾個中年大叔行埋去幫手扶起個女人， 而我見到已經有人幫手， 我都無行過去，只係企係原地睇住佢地扶個女人去車門。

「BANG ！！！」

「個男人流左好多血呀！ 快D搵人幫手扶下佢啦！」

車廂連接口傳黎一聲碰撞聲， 將眾人既視線再次拉返去男人身上， 男人將個頭大力撞左向車廂牆壁到， 血液立即係佢身上流落黎， 而同時亦都有人留意到臭味係由佢身上傳出黎。

「先生你無事嗎？ 快D叫白車啦！」係個男人撞完牆暈低左之後，有一個睇落40幾歲，著恤衫西褲帶眼鏡既男人跑過去打算扶起佢。





其他人亦有人再次打電話去報警，亦有人行去火車上面同車長通話既裝置個到，按制去聯絡車長同職員搵人幫手。

同時係附近一個大約30歲既女人係手袋拎左包紙巾出黎，「我有紙巾呀，幫佢按住止止血先啦！」著恤衫個男人擰轉返個撞完牆既男人對住我地，再扶佢坐好，然後就轉頭接過紙巾，係呢個時候，

「呃啊啊啊啊！！！」

撞牆男人突然撲向恤衫男身上，佢雙手抱住恤衫男，跟住掹打個口，一口咬去恤衫佬個膊頭個到！

 「咔哧！」

恤衫男反應唔切，只係黎得切叫一聲哇就比佢咬左一啖！ 而佢膊頭亦都有一聲清晰既斷骨聲傳出黎。

係呢一刻我隔離有個高大既男仔衝過去，用手臂用力箍住撞牆男人個頭，而個男人亦都係到不斷掙扎，不斷開合既口完全係想撲返去恤衫男人個到咬佢！呢一刻既佢完全就好似一個喪屍咁！ 唔通呢個世界真係會有喪屍？！





正當我諗緊係咪真係有喪屍病毒爆發既時候，高大男仔亦開始警告撞牆男，「喂你唔好再郁啦下，呀叔你係咪痴左線呀！搵人過黎幫手撳住佢啦屌(屌)！」

被疑似喪屍咬完之後既恤衫男，不省人事咁訓左係地下，而周圍既乘客都試探性咁叫下佢，睇下佢會唔會死左。經過左岩岩撞牆男反常咁咬人之後，大家既警覺性都提高左好多，唔敢亂行去扶起佢，而同時間血亦係恤衫男身上開始流出黎，有乘客亦大叫「頂住呀！就到站啦！白車就到架啦！」

呢個時候高大男仔亦再次大叫「屌有無人幫手呀！咪齋睇啦佢插到我好撚痛呀！」

本來細膽既我見仲未有人反應得切，加上我又企係最近，我就立即衝出去拉住撞牆佬既左手，而同時亦有一個皮膚黑既後生仔拉住佢既右臂。

「下一站：紅磡，Next station : Hung Hom，請小心月台與車廂之間既空隙。紅磡，呢到係東鐵線既尾站 – 紅磡，這是東鐵線的終點站—Hung Hom，end of the east trail line」

突如其來既廣播，將沉醉係緊湊氣氛既乘客們驚醒，而呢個時候，火車亦終於行入紅磡站。

「多謝乘搭港鐵，謝謝乘搭港鐵，Thank you for travelling on the MTR -- 請所有乘客落車---- 」

「快D去，去左叫白車先！呢到月台可能佢地唔知確實位置係邊，搵人去帶救護員落黎！」





此時，一直訓係地下既恤衫男無聲無色咁企左起身，兩眼都係血絲既佢流住鼻血同口水，佢一起身就吼叫一聲，然後撲向最近既個個男人！

呢個時候大家先岩岩反應得切，只黎得及大叫小心，而癲左既恤衫男棚牙已經就快咬到去男人條頸到！

正當我猶豫緊應唔應該退後既時候，男人竟然一個手肘批埋去恤衫男個口到，睇得出男人既手肘好大沖力，即時撞到恤衫男D牙歪左同成個人退後，大力男見佢退後之後並無停到手，佢右手一手住佢條頸，再用力扯住佢全身撞向車廂扶手到，恤衫男即時頭破血流，條頸亦睇得出已經歪左一邊，雙水亦無力咁垂低，睇黎已經死左。

「你‧‧‧你殺左人呀！！！」

隨住恤衫男屍身跌坐左落地，附近既乘客亦都陷入恐慌！ 大家都被眼前呢一幕嚇親！ 雖然話見到喪屍一定要殺死， 但畢竟係活生生將一個人(定喪屍?)打死，大家驚都係好正常既事。

「人？好明顯呢條友變左喪屍啦，」

大力男一邊講一邊望向話佢殺人個個少女，講返大力男，佢係一個睇落35歲左右既人，光頭既佢右手有一個日本鬼面既紋身，左手前臂亦有一條龍型紋身，著住背心除左睇到手臂上有線條既肌肉仲睇得出佢應該好好打。





「依加我地殺左第一隻喪屍，好明顯我地救左香港！」

其他乘客亦都反駁唔到，因為呢兩位反常既人的確同電影中既喪屍好相似，但講到尾係未肯定之前，我諗普通人都好難會去殺一個活生生既人。因為死左人既關係，車廂都陷入一遍寂靜同一股惡臭，而西裝友喪屍依然係被我地三個人夾住，睇黎我地都打算將佢交比救護員，即使係殺佢都唔係我地做住。係大家沉默既時候，另一段廣播亦都響起‧‧‧

「請勿靠近車門，請不要靠近車門，Please stand back from the doors. Doo-Doo-Doo-Doo-Doo-Doo-Doo--」